ઘરે પરત આવ્યો ત્યારે બે વર્ષના પુત્રના ગાલ અને હોઠ તથા મળમાર્ગેથી લોહી વહેતું હતું. બાળક ઈજાથી ખૂબ રડતું હતું. પત્નીએ પૂછ્યું તો રસ્તામાં એક્સિડેન્ટ થતાં પુત્રને ઈજા થઈ હોવાનું બહાનું કરેલું. જો કે, નરાધમ બાપને શરીરે કશી ઈજા નહોતી જેથી પત્નીને શંકા ગયેલી. ઘાયલ બાળકને માતા અંજારની સરકારી હોસ્પિટલે સારવાર માટે લઈ ગઈ હતી. ઈજા ગંભીર હોઈ બાળકને ત્યાંથી ભુજ જી.કે. જનરલ હોસ્પિટલમાં સારવાર માટે રીફર કરાયું હતું.

પોલીસે આરોપી પિતાની આગવી ઢબે પૂછપરછ કરતાં તેણે કબૂલી લીધું હતું કે તેણે જ તેના સાવકા પુત્ર સાથે દુષ્કર્મ આચર્યું છે. બે વર્ષનું બાળક બોલી પણ શકતું નથી.

પોલીસે જણાવ્યું કે ૨૫ વર્ષિય મહિલાના પતિનું મૃત્યુ થતાં તેણે આરોપી સાથે બે વર્ષ અગાઉ બીજા લગ્ન કરેલાં. આગલા પતિથી થયેલાં બે સંતાનોને આંગળિયાત તરીકે સાથે લઈને આવેલી.

આ બાબતની અદાવત રાખીને આરોપીએ આ હિન કરતૂત આચર્યું હોવાનું પણ સપાટી પર બહાર આવ્યું છે. અંજાર પોલીસે આરોપી સામે બીએનએસ કલમ ૧૧૫ (૧), પોક્સો એક્ટની કલમ ૪ અને ૬ તથા જૂવેનાઈલ જસ્ટિસ એક્ટની કલમ ૭૫ હેઠળ ગુનો દાખલ કરીને આરોપીની અટક કરી લીધી છે. પીઆઈ એ.આર. ગોહિલ તપાસ કરી રહ્યાં છે.