મરણ જનાર વિનોદ ઊર્ફે જીગર પ્રેમજીભાઈ ચૌહાણ (કોલી) (રહે. રેલવે સ્ટેશન પાસે, કારીયાધામ નજીક, ભચાઉ) બુધવારે રાત્રે ફૂલવાડી વિસ્તારમાં રોડની એક સાઈડમાં પગપાળા જતો હતો ત્યારે બીજલભાઈ દાફડાના ઘર સામે બોલેરો કેમ્પર ગાડીએ તેને અડફેટે લીધો હતો. ગંભીર ઈજાથી વિનોદનું મૃત્યુ નીપજ્યું હતું.

તેની અદાવત રાખીને મેહુલે ઈરાદાપૂર્વક વિનોદ પર ગાડી ચઢાવી હત્યા નીપજાવી હોવાનું પોલીસ તપાસમાં ખૂલ્યું છે. શિલ્પા અને વિનોદ છએક માસ અગાઉ સંતાનના માતા પિતા બન્યાં હતા. સગાં ભાઈએ બહેનના સેંથાનું સિંદૂર ભૂંસી દીધું છે. બનાવ અંગે વિનોદના ભાઈ આનંદે બેઉ સામે હત્યાની કલમ તળે ફરિયાદ નોંધાવી છે.

શેઠની ગાડી લઈને તે આવેલો અને ગુનો આચરવા માટે તેણે મેહુલને કાર હંકારવા આપેલી. આરોપી મેહુલનો ભૂતકાળ ગુનાહિત છે. ૬ઠ્ઠી જૂલાઈ ૨૦૨૪ની રાત્રે નગરપાલિકાની રોડ લાઈટ શાખાના હેલ્પર અને તેના પુત્ર પર હર્ષદ પ્રજાપતિ, મેહુલ કોલી અને અન્ય બે જણે છરી, ધોકાથી હુમલો કરીને માર મારેલો. જે અંગે ભચાઉ પોલીસ મથકે ચાર સામે હિંસક હુમલાની ફરિયાદ નોંધાઈ હતી. બંને આરોપીઓ હાથવેંતમાં હોવાનું જાણવા મળ્યું છે.