મધ્યપ્રદેશના જબલપુરનો જગવીરસિંહ લખવિન્દરસિંહ પદમ પણ જૂની ટ્રકોની લે-વેચના ધંધામાં એજન્ટ તરીકે કામ કરતો હોઈ છેલ્લાં ત્રણ વર્ષથી ફરિયાદી તેના પરિચયમાં હતો અને દસેક જેટલી ટ્રકોના સોદા પણ કરેલાં.

જગવીરસિંહને એડવાન્સ ટોકન પેટે ઓનલાઈન એક લાખ રૂપિયા મોકલી આપેલાં. ત્યારબાદ જગવીરે ટ્રકમાલિકના એજન્ટ આરિફ મોહબ્બતના પુત્ર સહજાદના બેન્ક ખાતાંની ચેકબૂકના મોકલેલાં ફોટોના આધારે તેના બેન્ક ખાતામાં RTGS મારફતે વધુ નવ લાખ જમા કરાવેલાં. ૧૦ લાખ મોકલ્યાં બાદ ગાડીની ડિલિવરી મળી નહોતી.

ત્યારબાદ જગવીર પાસેથી ફરિયાદીએ ટ્રક માલિક અફસર સાજિદનો મોબાઈલ નંબર મેળવીને વાત કરતાં ટ્રક માલિકે પોતાને ટ્રકના સોદા પેટે કોઈ રૂપિયા મળ્યાં નથી તેમ કહીને ફોન કટ કરી દીધો હતો.

જે-તે સમયે જગવીરસિંહે ફરિયાદીને ટ્રક માલિક અને તેની વચ્ચે ટ્રકના સોદા માટે કરેલા લખાણનો ફોટો વોટસએપ કર્યો હતો. અંજાર પોલીસે ગુનો નોંધીને તપાસ હાથ ધરી છે.