બે મહિના અગાઉ ભટ્ટ પાળિયા વિસ્તારમાં વાલજી બારોટના પુત્ર અમિત બારોટ અને તેના ભાઈ દેવેન્દ્ર બારોટના પુત્ર હર્ષિત બારોટનો જય મુકેશભાઈ દાફડા સાથે વાહન લાવવા લઈ જવા મુદ્દે ઝઘડો થયેલો. આ ઝઘડાની અદાવતમાં હર્ષિત બારોટના કહેવાથી એક અજાણ્યા યુવકે જયના સંબંધી પ્રિન્સ દિનેશભાઈ કાંઠેચાની ઈન્સ્ટાગ્રામ પોસ્ટ પર ધાક-ધમકી કરતી કોમેન્ટ કરેલી.

આ મુદ્દે ગત રાત્રે બંને પક્ષના લોકો હથિયારો સાથે સામસામે આવી ગયેલાં. એકમેક પર પથ્થરમારો કરેલો. જેમાં બંને પક્ષના લોકોને ઈજા થઈ હતી. વર્ના કારને નુકસાન થયું હતું. બંને પક્ષે એક એક જણને માથામાં ઈજાઓ થતાં પોલીસે હત્યાના પ્રયાસ સહિતની કલમો તળે ગુનો દાખલ કર્યો છે.

એક પક્ષના ઘવાયેલાં લોકોમાં નવીન રવજી દાફડા, મનોજ નામેરી દાફડા અને હરેશ હધુભાઈ કાંઠેચા ત્રણે વકીલો છે. અંગત અદાવતમાં સર્જાયેલી હિંસક અથડામણમાં ભચાઉ બાર એસોસિએશને બનાવ અંગે તટસ્થ તપાસ કરવા પોલીસને રજૂઆત કરી છે.

ઘટના અંગે સુરેશ હધુભાઈ કાંઠેચાએ ૧. નયન વાલજી બારોટ ૨. અમિત વાલજી બારોટ ૩. મુકેશ ગાભા બારોટ ૪. ભરત બબા બારોટ ૫. નવીન મણિલાલ બારોટ ૬. સુરેશ મોહન બારોટ ૭. વિજય બારોટ ૮. દલા બબા બારોટ ૯. હિતેશ ભરત બારોટ ૧૦. અરવિંદ મગન બારોટ ૧૧. સુરેશ અરવિંદ બારોટ ૧૨. નયના વાલજી બારોટ ૧૩. મુન્ના બારોટ ૧૪. અંજલિ મુન્ના બારોટ ૧૫. હિના વાલજી બારોટ ૧૬. દેવુ અરવિંદ બારોટ ૧૭. ભાવેશ પચાણ બારોટ ૧૮. બબા ગેલા બારોટ ૧૯. ગાભા ભોજા બારોટ અને ૨૦. અજય બારોટ સામે ફરિયાદ નોંધાવી છે.

સામા પક્ષે નવીન મણિલાલ બારોટે ૧. એડવોકેટ હરેશ હધુભાઈ કાંઠેચા ૨. સુરેશ હધુભાઈ કાંઠેચા ૩. મુકેશ રવજી દાફડા ૪. રાજેશ ઊર્ફે બિલ્લુ હરજી દાફડા ૫. રમેશ રવજી દાફડા ૬. ભરત વજુભાઈ દાફડા ૭. એડવોકેટ મનોજ નામેરી દાફડા ૮. નરેશ વજુભાઈ દાફડા ૯. લાલો શિવાભાઈ દાફડા ૧૦. જય મુકેશ દાફડા ૧૧. એડવોકેટ નવીન રવજી દાફડા અને ૧૨. હિમેશ દિનેશ કાંઠેચા વિરુધ્ધ ફરિયાદ નોંધાવી છે. ભચાઉ પોલીસે એકસરખી કલમો તળે બંને પક્ષની સામસામી ફરિયાદો દાખલ કરી છે.