આજે સવારે મોટર સાયકલ પર દીકરીને બેસાડીને ફરિયાદી તેને હોસ્પિટલે મૂકવા ગયેલાં. ત્યાંથી પરત ફરતાં અજાપર સીમમાં આવેલી ગૌરીશંકર ઈન્ડસ્ટ્રીઝમાં કામ કરતાં મિત્ર લક્ષ્મણ સુથારને મળવા જતા હતા.

આ સમયે એક જણે પિસ્તોલ કાઢીને હિન્દીમાં ‘તારા પાસે જે હોય તે બહાર કાઢ નહીં તો મારી નાખીશ’ કહીને એક રાઉન્ડ હવામાં ફાયરીંગ કરેલું. બીજાએ ગળામાં પહેરેલી ૯૦ હજારની કિંમતની ૩૦ ગ્રામની સોનાની ચેઈન ખેંચીને કાઢી લેતાં ગળામાં ઉઝરડો થઈ ગયેલો. અન્ય બે જણે ધનજીભાઈએ ડાબા હાથની આંગળીમાં પહેરેલી સોનાની વીંટી બળજબરી કાઢવા પ્રયાસ કરેલો.

ગોળીના છરાથી ઈજા થતાં ધનજીભાઈ બૂમાબૂમ કરવા માંડતા ત્રણે જણ બાઈક સ્ટાર્ટ કરીને નાસી ગયેલાં. ઘટના બાદ ધનજીભાઈ નજીકમાં એક પ્લાયવૂડના કારખાને ગયેલાં. તેને વાત કરીને તેની મદદથી હોસ્પિટલમાં સારવાર લેવા નીકળેલાં.  

લૂંટારુ ત્રિપુટીને દબોચી લેવા પોલીસે ચોમેર તપાસના ઘોડાં દોડાવ્યાં છે. ધોળા દિવસે પિસ્તોલના નાળચે થયેલી લૂંટના આ બનાવે પૂર્વ કચ્છ પોલીસને દોડતી કરી દીધી છે.