અંજાર પોલીસે બનાવ અંગે નજીકમાં આવેલા એ-વન સ્પાના પાર્ટનર સંચાલક કલ્પેશ દેસાઈ અને શબ્બિર બાયડ સાથે તેમના સાગરીતો ફિરોઝ લંઘો, મયૂર ઠક્કર, વસંત કોલી અને એક અજાણ્યા યુવક મળી છ લોકો સામે ગુનો દાખલ કર્યો છે.

બનાવની વિગત એવી છે કે મંગળવારે રાત્રે આરોપીઓ ફરિયાદી યુવતીના સ્પામાં આવીને માથાકૂટ કરવા માંડ્યાં હતાં.

જો કે, સ્પાનો સમય પૂરો થઈ ગયો હોવાનું કહીને મેનેજરે ઈન્કાર કર્યો હતો. ડખ્ખા સમયે સ્પામાં કામ કરતી અન્ય બે યુવતીઓ રીસેપ્સન પર દોડી આવી હતી. તે સમયે, વસંત કોલી અને ફિરોઝ લંઘાએ તે યુવતીઓ સાથે શારીરિક અડપલાં કરવાનું શરૂ કરેલું.

જો કે, યુવતીએ ગમે તેમ તેનો જમણો હાથ છોડાવીને ચહેરા પર ઢાંકી દેતાં તેના હાથ પર ઍસિડના અમુક છાંટા પડ્યાં હતાં. રાડારાડી વચ્ચે કલ્પેશના હાથમાંથી ઍસિડની બોટલ નીચે પડી ગયેલી, જે શબ્બિરે ઉપાડીને પોતાના ખિસ્સામાં મૂકી દીધી હતી.

તમામ લુખ્ખા કાળા રંગની કીયા કારમાં બેસીને જતા રહ્યાં હતાં. યુવતીએ ધંધાકીય સ્પર્ધાની અદાવતમાં કલ્પેશ અને શબ્બિર સહિતના આરોપીઓએ કાવતરું રચીને સ્પામાં કામ કરતી યુવતીઓની જાતીય સતામણી કરી પોતાના પર ઍસિડ અટેક કર્યો હોવાની ફરિયાદ નોંધાવી છે. સામાન્ય ઈજા થઈ હોઈ યુવતીએ હોસ્પિટલમાં જવાના બદલે સ્પાની અંદર જ ઉપચાર કરી લીધો હતો.