જમીનના મૂળ માલિક શામજીભાઈ શિવજીભાઈ ચાચાણીનું વર્ષો અગાઉ નિધન થઈ ચૂક્યું છે. છતાં, ગયા મહિને કોઈ અજાણ્યા વ્યક્તિએ શામજીભાઈ બનીને આ જમીનની પાવર ઑફ એટર્ની મહેશ શંકર ચંદ્રા નામના શખ્સને લખી આપી હતી.

પાવર ઑફ એટર્નીમાં સાક્ષી તરીકે અઝીઝ અફીઝ સૈયદ અને રાજુ અમરશી બારોટે સહીઓ કરેલી છે જ્યારે વેચાણ દસ્તાવેજમાં સુલતાન અભુભકર ખલીફા અને દિનમામદ કાસમા રાયમા નામના બે શખ્સોએ સાક્ષી તરીકે સહીઓ કરેલી છે. પોલીસે શામજીભાઈ નામ ધારણ કરનાર શખ્સ સહિત જમીન ખરીદનાર પચાણ સુરા રબારી સહિત સાત લોકો સામે ગુનો નોંધી તપાસ શરૂ કરી છે. ઉલ્લેખનીય છે કે આ જમીનની માલિકી મુદ્દે ૨૦૦૮થી કૉર્ટમાં જંગ ખેલાઈ રહ્યો છે. પીઆઈ એ.આર. ગોહિલે તપાસ હાથ ધરી છે.