સારવાર દરમિયાન ધનજીભાઈનું મૃત્યુ નીપજતાં બનાવ હત્યામાં પલટાયો છે.

મરતાં અગાઉ ધનજીભાઈએ જણાવેલું કે તેમની દિવંગત પ્રથમ પત્નીના ૧૮ તોલા સોનાના ઘરેણાં કૈલાસે લઈ લીધા હતા અને પાછાં આપતી નહોતી. પ્રાથમિક પૂછપરછમાં કૈલાસે તેનો ઈન્કાર કરી જણાવ્યું છે કે તમામ દાગીના ધનજીભાઈના લૉકરમાં જ રાખેલાં છે. એ જ રીતે, ભુજમાં તેણે કયા વિસ્તારમાં મકાનમાં રાખેલું તે બાબતે પોલીસ વિશેષ તપાસ કરી રહી છે.

કૈલાસ મૂળ મહેસાણાની વતની છે પરંતુ અગાઉ તેના પ્રથમ લગ્ન ભુજમાં રહેતા એક પટેલ શખ્સ સાથે થયાં હતા અને દસ વર્ષથી તે ભુજમાં જ સેટલ થયેલી છે. પતિ સાથે છૂટાછેડાં થયા બાદ તેને સમાધાન પેટે સાડા બાર લાખ રૂપિયા મળ્યાં હતા. કૈલાસ સોશિયલ મીડિયા પર ખૂબ એક્ટિવ છે અને વિવિધ સોશિયલ મીડિયા પર વિવિધ નામથી તેના એકાઉન્ટ છે તેવું સૂત્રોમાંથી જાણવા મળ્યું છે. ભુજમાં કૈલાસ ‘બહોળું મિત્રવર્તુળ’ ધરાવે છે. માનકૂવાના ઈન્ચાર્જ પીઆઈ પી.પી. ગોહિલે વિવિધ મુદ્દે સઘન પૂછપરછ અને તપાસ હાથ ધરી છે.