વીરેન્દ્રભાઈ તત્કાળ અમદાવાદથી ઘરે દોડી આવેલાં. તસ્કરોએ ઘરમાં રાખેલાં ૨.૧૫ લાખ રોકડાં રૂપિયા ઉપરાંત ૨.૫૨ લાખનું દોઢ તોલાનું સોનાનું મંગળસૂત્ર, ૬૮ હજાર ૭૫૨ના મૂલ્યની ૧ તોલા સોનાની લગડી, સોનાની બે વીંટી, ચાંદીના ૬૦૦ ગ્રામના ચાર સિક્કા વગેરે મળી ૫ લાખ ૯૯ હજાર ૭૫૨ રૂપિયાની માલમતાની ચોરી કરી હતી.

નજીકમાં રહેતા ફરિયાદીના કૌટુંબિક મામા ગજાનંદભાઈ ટાંકના ઘરનું તાળું તોડીને તસ્કરોએ ૬૦ હજાર કિંમતની ૬ તોલા સોનાની ૪ ચેઈન, ૨૫ હજારની અઢી તોલો સોનાની બંગડી, ૧૦ હજાર કિંમતની ૧ તોલા સોનાની ત્રણ વીંટી, ૧૦ હજારની ૧ તોલા સોનાની પોંચી, ચાંદીના સાંકળા, પાંચ હજાર રોકડાં રૂપિયા મળી ૧.૨૦ લાખના મૂલ્યના ઘરેણાંની ચોરી કરી હતી. બંને ઘરમાંથી કુલ ૭ લાખ ૧૯ હજાર ૭૫૨ રૂપિયાની માલમતા ગઈ હોવાનું પોલીસ ચોપડે નોંધાયું છે.

બંધ ઘરોને નિશાન બનાવીને થતી સામૂહિક ચોરીના ઉપરાછાપરી બે બનાવો બનતાં આમજનતાનો ફફડાટ ગહન બન્યો છે.