શહેરના સેક્ટર આઠમાં માધવ પેલેસમાં સીએની ફર્મ ચલાવતા હિતેન્દ્ર ઠક્કરે પોલીસને જણાવ્યું કે ૨૦૧૬માં બેઉ જણ તેની કચેરીએ આવેલાં. બેઉ જણે ભાગીદારીમાં સોમનાથ ફાઈનાન્સ નામની પેઢી શરૂ કરવા માટે જરૂરી રજિસ્ટ્રેશન વગેરેની કામગીરી કરી આપવા તથા પેઢીના ઈન્કમ ટેક્સ રિટર્ન ફાઈલ કરવાની કામગીરી ફરિયાદીને આપી હતી. બાદમાં બેઉ જણ સાથે ફરિયાદીને મિત્રતા થયેલી.

બેઉ પર ભરોસો કરીને ફરિયાદીએ ટુકડે ટુકડે તેમને ૧૬ લાખ આપ્યાં હતા. નાણાં મળ્યાં બાદ બેઉ જણે સતત વાયદાબાજી શરૂ કરેલી.

ફરિયાદીનો ઑફિસ સ્ટાફ સમગ્ર ઘટનાક્રમનો સાક્ષી છે. આરોપીઓ જોડે થયેલી ટેલિફોનિક વાતચીતના રેકોર્ડીંગનો પુરાવો પણ રજૂ કરાયો છે.

દર્શન ગાંધીધામ નગરપાલિકાના પૂર્વ ઉપ પ્રમુખ બળવંત ઠક્કરનો પુત્ર છે જ્યારે કલ્પેશ ભાજપના આગેવાન મુળજીભાઈ ઠક્કરનો પુત્ર છે. ઉલ્લેખનીય છે કે ગાંધીધામ શહેર ભાજપના મંત્રી દિપેશ ઠક્કરે ધંધામાં નુકસાનીના પગલે વ્યાજે નાણાં લઈ વ્યાજખોરોની ઉઘરાણીથી ત્રાસીને આત્મહત્યા કરેલી તે કેસના ૧૮ આરોપીઓમાં પણ આ બેલડી સામે ગુનો નોંધાયો હતો. લોકલ ક્રાઈમ બ્રાન્ચે બે દિવસ અગાઉ દર્શન ઠક્કરની અમદાવાદના બાવળા પાસેથી ધરપકડ કરી હતી.