૧૮-૦૯-૨૦૧૪ના રોજ નાગલપર (મોટી) ગામના ધર્મેશ ઊર્ફે ધમો રામજીભાઈ ટાંકે યુવતીના ઘરમાં ઘૂસી જઈને શારીરિક અડપલાં કરી શરીર સંબંધ બાંધવા દેવાનું કહી તાબે ના થાય તો મારી નાખવાની ધમકી આપેલી. યુવતી તે સમયે કિશોર વયની હતી. તેની રાડારાડ સાંભળીને મોટી બહેન અને અડોશપડોશના લોકો દોડી આવતાં નરાધમ ધમો ત્યાંથી જતો રહ્યો હતો.

સ્પેશિયલ જજ કમલેશ કે. શુક્લએ આ ચુકાદો સંભળાવ્યો છે. અંજારના સરકારી વકીલ આશિષ પી. પંડ્યાએ દલીલો કરી આરોપીને મહત્તમ સજા ફટકારવા રજૂઆત કરી હતી. ભારતીય ન્યાયપ્રણાલિ વિશે કહેવાય છે કે યહાં દેર હૈ પર અંધેર નહીં પરંતુ ગુનાનો ભોગ બનનારને ન્યાય થયો હોવાની પ્રતીતિ થાય તે પણ એટલું જ આવશ્યક છે.

ગયા વર્ષે ૦૧-૦૬-૨૦૨૩ના રોજ ધમાએ યુવતીના ઘરમાં ઘૂસી જઈને છરીની અણીએ તેના પર દુષ્કર્મ ગુજારેલું. તે અગાઉ ૧૨-૦૨-૨૦૨૩ના રોજ ધમો છરી લઈને યુવતીના ઘરે પહોંચી ગયેલો અને પીડિતાએ દરવાજો બંધ કરી દેતાં વરંડાની ગ્રીલ પર ચઢીને પોતાની સામેના કેસ પાછાં ખેંચી લેવા ધમકી આપી હતી. ૦૩-૦૯-૨૦૨૨ના રોજ ધમાએ ભરપબપોરે જાહેર રોડ પરથી પીડિતાનું અપહરણ કરવાનો પ્રયાસ કરી તેના પર છરી વડે તૂટી પડેલો. જેમાં યુવતીએ હત્યાના પ્રયાસની કલમો તળે ધમા સામે ફરિયાદ નોંધાવી હતી.