ચોરીઓના ગુનામાં કચ્છના વિવિધ પોલીસ સ્ટેશનોના ચોપડે આરોપી તરીકે ચિતરાયેલો ધમો જેવો જામીન પર છૂટે કે દીકરીના ઘરમાં બળજબરી ઘૂસીને તેની સાથે અડપલાં કે દુષ્કર્મનો પ્રયાસ કરતો. દીકરી સાથે તેણે બે વખત દુષ્કર્મ આચરેલું જે અંગે ફરિયાદો નોંધાયેલી છે. દીકરી તાબે ના થતાં તેને છરીના ઘા ઝીંકી મારી નાખવાનો પણ પ્રયાસ કરેલો.

ધમાને અગાઉ આ જ પીડિતાએ ૨૦૧૪માં પોક્સો અને છેડતી કરવાની નોંધાવેલી ફરિયાદમાં વિશેષ કૉર્ટે એપ્રિલ ૨૦૨૪માં ૩ વર્ષની કેદની સજા ફટકારી હતી. ત્યારબાદ, અંજારની મિસ્ત્રી સમાજ વાડીમાંથી ૧.૨૮ લાખના રસોઈના તાંબાના વાસણોની ચોરી કરવાના ગુનામાં કૉર્ટે તેને જાન્યુઆરી ૨૦૨૫માં બે વર્ષનો કારાવાસ ફટકાર્યો હતો. આરોપી સામે હજુ પીડિતાના દુષ્કર્મ અને હત્યાના પ્રયાસ સહિતના અન્ય અનેક ગુનાની ટ્રાયલ કૉર્ટમાં ચાલી રહી છે.