રૂપિયા આપવા સાથે સિક્યોરીટી પેટે સહી કરેલાં બે કોરાં ચેક મેળવી લીધા હતા.

વ્યાજ સહિત મુદ્દલ ચૂકવી દીધા છતાં મોદીશાએ ફરિયાદીને કોરાં ચેક પરત કર્યાં નથી. એટલું જ નહીં, હજુ પણ ઉઘરાણી બાકી નીકળે છે કહીને ચેક બાઉન્સ કરવાની તથા જાનથી મારી નાખવાની ધમકીઓ આપ્યાં કરે છે. તેના ડરના લીધે અઝીમ અંજારમાં પગ મૂકવાનું ટાળતો થઈ ગયેલો.

મોદીશા અવારનવાર તેને વોટસએપ કૉલ કરતો પરંતુ અઝીમ તેનો ફોન ઉપાડતો નહોતો. ગઈ ૧૭ ફેબ્રુઆરીની બપોરે આરોપીએ ફરિયાદીને વોટસએપ કૉલ કરીને ભૂંડી ગાળો ભાંડી ‘તું એકવાર રૂબરૂ ભેગો થા, તને જાનથી મારી નાખીશ’ કહીને ધમકી આપેલી. બેફામ બનેલા મોદીશાએ ત્યારબાદ મધરાત સુધી તેને વારંવાર કૉલ કરેલાં અને વોઈસ ક્લિપ મોકલીને ધાક ધમકી કર્યાં કરેલી.

વ્યાજખોરો વિરુધ્ધ પોલીસ અને ગૃહ વિભાગ અવારનવાર ઝુંબેશનું આયોજન કરે છે. પૂર્વ કચ્છમાં અગાઉ ઘણાં વ્યાજખોરો સામે ગુજસીટોક સહિતના કડક એક્શન પણ લેવાયેલાં છે. તેમ છતાં ક્યાંક ને ક્યાંક આવા બેફામ વ્યાજ માફિયાઓને કાયદાનો ડર કે ખાખીનો ખૌફ હજુ સ્પર્શી શક્યો નથી તે આ ઘટના પરથી વર્તાઈ આવે છે.