શહેરના સુભાષનગરમાં રહેતા વેપારી રામજીભાઈ રાજપુતે પોલીસને જણાવ્યું કે ૨૦ જૂલાઈની સવારે તેઓ કામસર અમદાવાદ જવા નીકળેલાં ત્યારે સવારે ૧૧ના અરસામાં તેમનો પુત્ર પ્રહ્લાદ BMW કાર લઈને ઘરેથી નીકળી ગયેલો.

ફરિયાદીના મોટા પુત્રએ નાના ભાઈને ફોન કરતાં પોતે મુંબઈ ગયો હોવાનું જણાવીને ફોન બંધ કરી દીધો હતો. ફરિયાદીએ ઘરે આવીને તપાસ કરતાં દોઢ લાખ રોકડાં, સોનાની ત્રણ વીંટીઓ, ત્રણ ચેઈન, બ્રેસલેટ, સોનાની રૂદ્રાક્ષની માળા વગેરે મળી ૫.૫૫ લાખના ઘરેણાં ગુમ હતા. જમીનને લગતાં કેટલાંક અસલ દસ્તાવોજો પણ ગાયબ છે. પોતાનો દીકરો જ રુપિયા અને ઘરેણાં ચોરીને, ૨૫ લાખની BMW કાર હંકારીને નાસી ગયો હોવાનું ફરિયાદમાં જણાવાયું છે.