૨૬-૦૭-૨૦૨૪ના રોજ હાથ ધરાયેલા ઑડિટ સમયે બહાર આવ્યું હતું કે ૧૯ જેટલા ગ્રાહકો કે જેમણે પોસ્ટલ વીમાના પ્રિમિયમ  પેટે રોકડમાં માસિક હપ્તા ચૂકવેલા તેમના ૯૨ હજાર રૂપિયાની હેરફેર થયેલી. આરોપીએ કેટલાંક ગ્રાહકો પાસેથી રોકડ પેમેન્ટ લઈ તેમની પાસબૂકમાં પ્રિમિયમની નોંધ કરેલી પરંતુ પોસ્ટ ઑફિસમાં રકમ જમા કરાવી નહોતી. આ રીતે ૨૪ હજાર ૭૦૦ રૂપિયા મેળવેલા અને અંગત હેતુ માટે હજમ કરેલાં. બાદમાં તે રકમ અલગ અલગ તારીખોમાં જમા કરાવેલી.

પોસ્ટ તંત્રએ ૨૯-૦૭-૨૦૨૪થી આરોપીને સસ્પેન્ડ કરી દીધો હતો અને આંતરિક તપાસમાં દોષી પુરવાર થતાં ૦૮-૦૮-૨૦૨૫થી ફરજમાંથી બરતરફ કરી દઈ ઉચાપત અંગે ફરિયાદ નોંધાવી છે.