ભુજ વિભાગના નાયબ પોલીસ અધીક્ષક આર.ડી. જાડેજાએ જણાવ્યું કે મોહિત મૃતક સાક્ષીના ઘર નજીક રહે છે, બેઉ વચ્ચે પ્રેમ સંબંધ હતો. જો કે, સાક્ષીએ તેની સાથેનો સંબંધ તોડી નાખીને અભ્યાસ પર ધ્યાન કેન્દ્રીત કર્યું હતું. એકાદ માસ અગાઉ સાક્ષીએ ભુજની કોલેજમાં એડમિશન લઈને ભુજમાં સમાજની હોસ્ટેલમાં રહીને ભણવાનું શરૂ કર્યું હતું.

મોહિતે ફોન કરીને કરેલી માંગણી અંગે સાક્ષીએ માતાને વાત કરતા માતાએ તેને મોહિતનો નંબર બ્લૉક કરી દેવા જણાવતાં સાક્ષીએ તેનો નંબર બ્લોક કર્યો હતો. જેથી ઉશ્કેરાયેલો મોહિત અંજારના તેના મિત્ર જયેશ ઠાકોર સાથે તેની બાઈક પર ભુજમાં આવ્યો હતો અને કોલેજમાંથી હોસ્ટેલ તરફ જઈ રહેલી સાક્ષી પર છરી વડે તૂટી પડ્યો હતો.