ધંધામાં નાણાંની જરૂર પડતાં તેણે છેલ્લાં ચાર વર્ષ દરમિયાન આદિપુર રહેતા તેના સમાજના શખ્સ અને મિત્ર એવા માવજી દેવાભાઈ આહીર પાસેથી ટૂકડે ટૂકડે ૬૫ લાખ રૂપિયા મેળવ્યાં હતાં.

છતાં, માવજીના વ્યાજનું ચકરડું હજું ચાલું ને ચાલું છે. માવજી મૂડી પેટે વીસ લાખ જમા થયાનું સ્વીકારીને હજુ તેની પાસે વધુ ૪૮ લાખ રૂપિયાની પઠાણી ઉઘરાણી કર્યાં કરે છે.

માવજી ઝનૂની અને માથાભારે છે તેમ જણાવી ફરિયાદીએ તે અવારનવાર ઘરે આવીને મારી નાખવાની તથા ખોટાં કેસોમાં ફસાવી દેવાની ધમકીઓ આપીને ફરિયાદી સાથે તેના પિતા તથા ભાઈઓને ત્રાસ આપી રહ્યો છે. અંજાર પોલીસે માવજી સામે ગુનો નોંધી તપાસ શરૂ કરી છે.

અંજારમાં વ્યાજખોર બહેનો અને બંધુની ત્રિપુટી પર ‘ગુજસીટોક’ અને ‘પાસા’ના શસ્ત્ર ઉગામાયાં બાદ પોલીસે તેમની ૬૩.૪૪ લાખની ચલ અચલ સંપત્તિઓ જપ્ત કરી છે. પોલીસની આ કાર્યવાહીને અભૂતપૂર્વ ગણાવતાં રાજ્યના ગૃહ રાજ્ય મંત્રી હર્ષ સંઘવીએ તેને સંભવતઃ દેશમાં પહેલીવાર કરાયેલી કડક કાર્યવાહી ગણાવી છે. છેલ્લાં બે વર્ષમાં ગુજરાત પોલીસે વ્યાજખોરો પર સ્ટ્રાઈક કરી હોવાનું જણાવી સંઘવીએ તેને બિરદાવી છે.

આવી એકલ-દોકલ કાર્યવાહીથી વ્યાજખોરો તો શું અન્ય કોઈ ગુનાના રીઢા આરોપી યા ગુનેગારોને કશો ડર બેસતો નથી. સતત કડક ઝુંબેશ અવિરતપણે જારી રહે તો અને તો જ તે અસરકારક નીવડે છે.