શક્તિએ કાંડાગરાના હરપાલસિંહ ગોહિલ નામના બૂટલેગર પાસેથી શરાબનો જથ્થો મગાવી શિરાચાની કોલોનીની એક ઓરડીમાં રાખ્યો હોવાની બાતમીના આધારે એલસીબીની ટીમે તેને શરાબના જથ્થા સાથે ઝડપી પાડ્યો હતો. દરમિયાન, પોલીસ હિરાસતમાં રહેલા શક્તિ અને તેના ચાર સાગરીતો સામે ગત રાત્રે માંડવી પોલીસ મથકે હની ટ્રેપ કરી ખંડણી વસૂલવાની વધુ એક ફરિયાદ દાખલ થઈ છે. આ ગુનામાં પોલીસે શક્તિ અને તેના એક સાગરીત રિયાઝ ઊર્ફે હઠી સુમરા (રહે. ઢીંઢ ગામ, માંડવી)ની ધરપકડ કરી છે.

માંડવીના કલવાણ રોડ પર રહેતા અને છૂટક કડિયા કામ કરતા ૩૫ વર્ષના પટેલ યુવક જોડે પરિચય કેળવીને થોડાંક દિવસો અગાઉ રિયાઝ સુમરાએ તેને હેમલતા નામની દહિંસરાની એક યુવતી સાથે મળાવ્યો હતો. ત્રણે જણ બાઈક પર ભુજ માંડવી રોડ પર એક પેટ્રોલ પંપની પછવાડે ગીચ ઝાડીઓમાં આવેલા એક ખંડેર પાસે ગયેલાં. પટેલ યુવક અને યુવતી બેઉ ખંડેરમાં જઈને વાતો કરતા હતા તે સમયે પૂર્વઆયોજીત ષડયંત્ર મુજબ શક્તિસિંહ સફેદ એક્ટિવા પર અન્ય એક સાગરીત મુનાફ રફીક સુમરા (રહે. બાગ, માંડવી) સાથે ત્યાં ધસી આવ્યો હતો.

ત્યારબાદ ટુકડે ટુકડે ૪૦ હજાર અને ૧૫ હજાર પડાવ્યાં હતા. હની ટ્રેપનો ભોગ બનનાર યુવકે વધુ રૂપિયા આપવામાં અસમર્થતા દર્શાવતા શક્તિએ તેને દસ વરસ સુધી જેલમાં ફીટ રહે તેવા કેસમાં ફસાવી દેવાની ધમકી આપેલી અને બાદમાં આરોપીઓએ યુવકનો વીડિયો સોશિયલ મીડિયા પર વાયરલ કર્યો હતો.

વાયરલ વીડિયો જોઈને ભોગ બનનારનો તેના મિત્રે સંપર્ક કરેલો અને શક્તિસિંહ અને તેની ગેંગે નકલી પોલીસ બનીને રૂપિયા પડાવવા તેને ફસાવ્યો હોવાનું કહી પોલીસ ફરિયાદ નોંધાવવા જણાવતાં ભોગ બનનાર યુવકે ગત રાત્રે માંડવી પોલીસ મથકે ફરિયાદ નોંધાવી હતી. પોલીસે શક્તિ અને રિયાઝની ધરપકડ કરી છે,

એલસીબીના ઈન્ચાર્જ પીઆઈ એચ.આર. જેઠી, પીએસઆઈ જે.બી. જાદવ, એએસઆઈ પ્રદ્યુમનસિંહ જાડેજા, હેડ કોન્સ્ટેબલ મુળરાજ ગઢવી, લીલાભાઈ દેસાઈની ટીમ યુવતી સહિતના બે અન્ય આરોપીને પકડવા તપાસ કરી રહ્યાં છે.

શક્તિ પોલીસના નામે તોડ કરવાના અન્ય બે ગુનાઓમાં અગાઉ પણ ઝડપાઈ ચૂકેલો છે. એપ્રિલ ૨૦૨૪માં માંડવીના શિરવા ગામના ૬૩ વર્ષિય વૃધ્ધને દારૂના ગુનામાં ફીટ કરી દેવાની ધમકી આપી છ મહિના દરમિયાન ટુકડે ટુકડે ૧.૪૨ લાખ રૂપિયા પડાવ્યા હતા. આ વૃધ્ધને પણ પોતાના સાગરીતની મદદથી યુક્તિપૂર્વક એક રૂમમાં લઈ જઈને દારૂની બાટલી સાથે પકડવાનું કાવતરું ઘડ્યું હતું.

પોલીસ ચોપડે ના ચઢ્યાં હોય તેવા અનેક કિસ્સા લોકમુખે ચર્ચાય છે.