૧૩ વર્ષની બાળા પડોશમાં રહેતા નંદુ ભુવન ભીલ (ઉ.વ. ૩૫) અને તેની પત્ની નીતુ ઊર્ફે સુધાના ઘેર રમવા જતી હતી. ૧૭ નવેમ્બર ૨૦૧૯ની સાંજે સાડા ૬ કલાકે નંદુ અને નીતુ આ બાળાને ફોસલાવી ધમકાવીને પોતાની સાથે લઈ નખત્રાણા વાડી વિસ્તારમાં લઈ ગયાં હતા. એક વાડીમાં બેઉ જણ મજૂરીએ રહેલાં.

ઘટના અંગે તે જ દિવસે બાળાની માતાએ પોલીસ ફરિયાદ નોંધાવેલી પરંતુ પોલીસને બાળાને શોધતાં શોધતાં ૨૪ દિવસ વીતી ગયાં હતા. આ ગુનામાં ફરિયાદ પક્ષે ૯૪ સાક્ષીઓ અને ૨૮ દસ્તાવેજી આધારો રજૂ કરેલાં. જે-તે સમયે પોલીસે યુગલની ધરપકડ કરેલી બાદમાં જામીન પર છૂટીને મૂળ એમપીનું યુગલ ગાયબ થઈ ગયેલું.

ભોગ બનનાર બાળાને બે લાખનું વળતર આપવા હુકમ કરી નાસતાં ફરતાં યુગલને ઝડપીને સજાનો અમલ કરાવવા પોલીસને સૂચના આપી છે. કેસમાં એજીપી એ.પી. પંડ્યા હાજર રહ્યા હતા.