આરોપી કિશોર ભાનુશાલીએ તેની માલિકીની અંજાર તાલુકાના સુગારીયા ગામે આવેલી સર્વે નંબર ૨૨૮ અને ૨૨૯/૨વાળી જમીનનો માપણી વધારો નિયમિત થવા બાબતનો કલેક્ટરના ચીટનીસનો પત્ર ગત મે માસમાં અંજાર મામલતદાર કચેરીમાં રજૂ કરેલો. તેના આધારે ચલણમાં સહી સિક્કા કરી આપવા રજૂઆત કરેલી. બાદમાં બેન્કના સહી સિક્કાવાળા ચલણની નકલ રજૂ કરેલી.

કલેક્ટર કચેરીમાં કાગળિયા પહોંચ્યા બાદ મામલતદારને જાણ કરાયેલી કે નાયબ ચીટનીસ તો નાદુરસ્ત તબિયતના લીધે રજામાં છે અને પત્રમાં કરાયેલી તેમની સહી ખોટી છે. ત્યારબાદ આ પત્ર બનાવટી હોવાનું સ્પષ્ટ થયેલું. ગ્રામ પંચાયતોની ચૂંટણી સહિતના કામગીરીના ભારણના લીધે આ મામલો પેન્ડિંગ રહી ગયેલો. જે ધ્યાને આવતા મામલતદારે આજે ફરિયાદ નોંધાવી છે.