આ સમયે તેમની સાથે સેવા આપતાં અમદાવાદના મુકેશ મોતીભાઈ દેસાઈ (રહે. મણિનગર) સાથે પરિચય થયેલો.

ફરિયાદીએ મુકેશને ગામમાં આવેલી એક સરકારી પડતર જમીન પોતાના નામે કરાવી આપવા કહેલું.

ફરિયાદી ગામ પરત આવી ગયા તેના દસેક દિવસ બાદ મુકેશ ઈનોવા કાર લઈને નિલેશ પ્રજાપતિ (રહે. મણિનગર)ને લઈને અંજાર આવેલો. ‘આપણે ઉપર વહેવાર કરવાનો થશે’ કહીને ફરિયાદીને બે લાખ રૂપિયા લઈને મામલતદાર કચેરીએ બોલાવ્યો હતો. બે લાખ લઈને બેઉ જણ મામલતદાર કચેરીમાં ગયેલાં અને ફરિયાદીને બહાર ઊભો રખાવ્યો હતો. અડધો કલાક બાદ પરત આવીને મુકેશે પચાસ હજાર રૂપિયા પોતાની પાસે રાખી લીધાં હતા અને બાકીના દોઢ લાખ જરૂર પડ્યે ત્યારે આપવાનું કહીને ફરિયાદીને પરત આપી દીધાં હતાં. દસેક દિવસ બાદ ફરી બેઉ જણ ઈનોવા કાર લઈ અંજાર આવેલા અને ‘આપણી ફાઈલ ભુજ કલેક્ટર કચેરીમાં પડી છે, ત્યાં આપવાના છે’ કહીને ફરિયાદી પાસેથી પચાસ હજાર રૂપિયા મેળવીને રવાના થઈ ગયેલાં.

ત્યારબાદ ચારેક માસ સુધી બેઉ જણે ફરિયાદી જોડે ટૂકડે ટૂકડે યુપીઆઈ તથા NEFT મારફતે ૧.૫૯ લાખ રૂપિયા મેળવ્યાં હતાં. ૨.૫૯ લાખ આપ્યા બાદ પણ કોઈ કામ ના થતાં ફરિયાદીએ નાણાં પરત માગતા બેઉ જણ વાયદા કરવા માંડ્યા હતાં. બાદમાં બેઉ જણે ફોન ઉપાડવાનું જ બંધ કરી દીધેલું.