૨૯ જૂન ૨૦૨૫ની સવારે ગુનાનો ભોગ બનનારી બાળકી સવારે સાડા નવના અરસામાં ઘરેથી ડબલું ભરીને કુદરતી હાજતે જવા નીકળેલી. નિર્જન વિસ્તારમાં આરોપી અચાનક પાછળથી ધસી આવેલો. બાળકીનું મોઢું દબાવીને, હાથ પકડીને કાંટાળી ઝાડીમાં ખેંચીને લઈ જઈ, તેને નિર્વસ્ત્ર કરી, થૂંક લગાડીને સૃષ્ટિ વિરુધ્ધનું કૃત્ય આચરવા પ્રયાસ કરેલો.

ગુનાનો ભોગ બનનાર બાળકી આરોપીને નામથી ઓળખતી નહોતી. તેને ગાંડો ગણાવેલો. રડતી દીકરીને લઈને માવતર ગામમાં આરોપીને શોધવા નીકળેલાં.

બાલાસરના તત્કાલિન પીએસઆઈ એસ.વી. ચૌધરીએ હગા સામે પોક્સો અને બીએનએસ એક્ટની કલમો તળે ગુનો નોંધ્યો હતો.

ગુનાની તપાસ ખડીરના પીઆઈ મુકેશભાઈ એન. દવેને સોંપાઈ હતી. ગુનાની ગંભીરતા તથા એસપી સાગર બાગમાર અને રેન્જ આઈજી ચિરાગ કોરડીયાની સૂચના અન્વયે પીઆઈ દવેએ ઝડપી તપાસ કરીને હગા વિરુધ્ધના જરૂરી પૂરાવાઓ એકત્ર કરીને ફક્ત ૪૩ દિવસમાં ચાર્જશીટ ફાઈલ કરી હતી. સરકાર તરફે એડવોકેટ ધર્મેન્દ્રસિંહ એસ. જાડેજાએ દલીલો કરી હતી.

પોલીસે રજૂ કરેલાં ૮ સાક્ષી અને ૨૫ દસ્તાવેજી આધારો, કાયદાકીય જોગવાઈઓને અનુલક્ષીને ભચાઉની વિશેષ પોક્સો કૉર્ટના સ્પેશિયલ જજ અંદલીપ તિવારીએ આજે હગા કોલીને બીએનએસ કલમ ૬૫ (૨), પોક્સો એક્ટની કલમ ૪ અને ૬ હેઠળ વીસ વીસ વર્ષના સખ્ત કારાવાસની લઘુત્તમ સજા સાથે પાંચ પાંચ હજારનો દંડ ફટકાર્યો છે. કૉર્ટે ગુનાનો ભોગ બનનાર બાળાને પાંચ લાખનું વળતર ચૂકવવા ડિસ્ટ્રીક્ટ લીગલ સર્વિસ ઑથોરિટીને હુકમ કર્યો છે.

કેસમાં બચાવ પક્ષે રજૂઆત કરેલી કે આરોપી સામે નામજોગ ફરિયાદ દાખલ થઈ નથી. પોલીસે આરોપીની આઈડેન્ટિફિકેશન પરેડ (ઓળખ પરેડ) કરાવેલી નથી. કોઈ પેનિટ્રેટિવ સેક્સ્યુઅલ ઓફેન્સ બન્યો નથી. આરોપીના થૂંક-લાળના પુરાવા મેળવાયાં નથી.

આરોપી ‘ગાંડો’ હોવાના બયાનના આધારે માનસિક આરોગ્યના નિષ્ણાત પાસે તપાસ કરાવાયેલી. તબીબે તે ‘દારૂડિયો (Alcoholic Substratum) હોવાનું જણાવેલું. કૉર્ટે તેનાથી ગુનાની ગંભીરતા ઓછી થતી ના હોવાનું જણાવેલું.