બાતમીના આધારે LCBની ટીમે આજે બપોરે નિંગાળથી વાડા ગામ તરફ જતાં કાચાં રસ્તે આવેલી વાલજી જખુભાઈ વીરડા (રહે. નિંગાળ)ની વાડીમાં દરોડો પાડી વાડીની ઓરડી તથા ટાટા યોધ્ધા વાહનમાં રાખેલાં ૧૬.૬૭ લાખની ભારતીય બનાવટના વિદેશી શરાબની ૩૩૫ પેટી જપ્ત કરી હતી.

આજે કેટલોક માલ ટાટા યોધ્ધામાં ભરીને લઈ જવાના હતાં. જીગર, જયેન્દ્ર અને મીતરાજ પોલીસના ચોપડે લિસ્ટેડ બૂટલેગર છે. પોલીસે વાલજી વીરડાની ધરપકડ કરીને સ્થળ પર હાજર ના મળેલાં અન્ય ચાર બૂટલેગરો સહિત પાંચ સામે અંજાર પોલીસ મથકે પ્રોહિબિશન એક્ટની વિવિધ કલમો તળે ફરિયાદ નોંધાવી છે. પીઆઈ એન.એન. ચુડાસમા, પીએસઆઈ એમ.વી. જાડેજા સહિતની ટીમે આ સફળ રેઈડ કરી હતી.