જેથી મનસુખ કરસનભાઈ સાથી કોન્સ્ટેબલ મહેશ સવદાસ સાથે ખાનગી ગાડીથી સતાપર ફાટક પાસે દોડી ગયેલાં. થોડીકવાર બાદ બાતમી મુજબની ફ્રોન્ક્સ કાર ત્યાં આવેલી પરંતુ ફાટક બંધ હોઈ સતાપર ગામ તરફ જતી રહેલી.

થાપ આપીને નાસી ગયેલા કારચાલકને પોલીસ શોધતી હતી ત્યાં લાખાપરના ગ્રામજનો પાસેથી માહિતી મળેલી કે ગામમાં શ્રીકૃષ્ણ ગૌશાળા પાસે નાળામાં એક કાર ખાબકી છે.

પોલીસ ટીમ ત્યાં દોડી ગઈ તો નાળામાં GJ-01 WC-6972 નંબરની સફેદ ફ્રોન્ક્સ કાર પડેલી જોવા મળેલી. કારની વચલી સીટમાં તૂટેલી દારૂની બાટલીઓ અને પેટીઓ પડેલી. કારમાં રહેલો યુવક બેભાન હાલતમાં હતો જેને ગ્રામજનોએ બહાર કાઢીને રોડની સાઈડમાં સૂવડાવ્યો હતો.

કારમાંથી તૂટી ગયેલી હાલતમાં એક મોબાઈલ ફોન મળી આવ્યો હતો. પોલીસે ૧૦૮ મારફતે બેહોશ યુવકને સિવિલ હોસ્પિટલમાં સારવાર માટે મોકલી આપ્યો હતો. અકસ્માતગ્રસ્ત કારને ક્રેન મારફતે નાળામાંથી બહાર કાઢી પોલીસ સ્ટેશન લવાઈ હતી.

ઘટના અંગે અંજાર પોલીસે પરોઢે અજાણ્યા કારચાલક સામે પ્રોહિબિશનની ધારાઓ તળે ગુનો દાખલ કર્યો હતો. દરમિયાન, ગંભીર ઈજાઓના લીધે કારચાલકનું મૃત્યુ નીપજ્યું હતું. પ્રાથમિક તપાસમાં મૃતક કાર ચાલક ભચાઉના ચોપડવા ગામનો ડેવિડ રાયધણ મણકા (સંઘાર) (ઉ.વ. અંદાજે ૨૫) હોવાનું સ્પષ્ટ થયું છે.

અંજારના પોલીસ ઈન્સ્પેક્ટર એચ.એ. જાડેજાએ ઘટના અંગે ગહન તપાસ હાથ ધરી છે. પીઆઈ જાડેજાએ જણાવ્યું કે કારની નંબર પ્લેટ ખોટી હોવાનું બહાર આવ્યું છે. દારૂની હેરાફેરી કરતી વખતે પોલીસથી બચવા માટે ‘પોલીસ’ લખેલી પ્લેટ રાખી હોવાનું પોલીસ માની રહી છે.