પ્રવેશ કરતાં જ પહેલી દુકાનમાં જમીન પર ચિત્રો અને આંકડાઓવાળા પાથરેલાં પાથરણાંની ચોતરફે દાવ લગાડતાં ખેલીઓ બેઠેલાં જોવા મળે છે. છેલ્લાં દસેક  દિવસથી શરૂ થયેલી આ જુગાર ક્લબમાં રોજ ભુજ અને આસપાસના ખેલીઓ નસીબ અજમાવવા જમાવડો કરે છે. ઉલ્લેખનીય છે કે ભૂતકાળમાં આ જ શોપિંગ કોમ્પ્લેક્સમાં એકસાથે ચાર દુકાનોમાં ધાર્મિક યંત્રો પર રમાડાતાં ઓનલાઈન જુગારધામો શરૂ કરાયેલાં જેનો કચ્છખબરે પર્દાફાશ કરેલો.

પણ, આ કાર્યવાહી કરશે કોણ? નજીકના પોલીસ સ્ટેશનના સ્ટાફની આંખે મોતિયો આવી ગયો છે એટલે તેમને આ ક્લબ દેખાતી નથી. જંગલોમાંથી રીઢા બૂટલેગરો પકડતી યા ગામના મશાણમાં અડધી રાતે ત્રાટકીને જુગારીઓ પકડતી બ્રાન્ચ કેવળ આ ક્લબ અંગે જ અંધારામાં રહી ગઈ છે. ત્યારે ગાંધીનગરથી સ્ટેટ મોનિટરીંગ સેલની ટીમ આવીને ત્રાટકે ત્યારે જ આ ક્લબ બંધ થશે તેમ જણાય છે.