ગુજરાત સરકાર દ્વારા પાસ કરવામાં આવેલા ગુજરાત ભાડા વિધેયક અંતર્ગત તકરારો અંગેના નિર્ણયોની સત્તા સંદર્ભે સ્મોલ કૉઝ કૉર્ટની જગ્યાએ ભાડા સત્તાધિકારીઓ કે જેમાં એડિશનલ કલેક્ટર અને ડેપ્યુટી કલેક્ટર દ્વારા નિરાકરણ લાવવાની જોગવાઈ કરવામાં આવી છે. આ જોગવાઈ જોતાં તકરારનું નિવારણ કરવા માટેની સત્તાઓ જ્યુડિસીયલ ઑથોરિટી પાસેથી આંચકી લઈ એડમિનિસ્ટ્રેટિવ ઑથોરિટીને સોંપવામાં આવી છે.

શનિવારે આ મુદ્દે બાર કાઉન્સિલની યોજાયેલી વરચ્યુઅલ અસાધારણ સભામાં હડતાળનો ઠરાવ કરાયો હતો. જ્યાં સુધી વિધેયકની જોગવાઈના પ્રશ્નો અંગે સંતોષકાર ઉકેલ ના આવે ત્યાં સુધી તમામ બાર એસોસિએશનો કૉર્ટ કામકાજથી અળગા રહેશે. વકીલ મંડળોના હોદ્દેદારો અને વકીલો કૉર્ટ કેમ્પસની બહાર એકઠાં થઈને વિરોધ પ્રદર્શન કરશે.