અંજારના વરસામેડી સીમની શાંતિધામ સોસાયટી-૪માં રહેતો ૩૩ વર્ષિય વિકેશકુમાર દેવશંકર સિંગ (રહે. મૂળ ચંદૌલી, યુપી) છેલ્લાં બે વર્ષથી બહેરીનની ખાનગી કંપનીમાં મિકેનીક તરીકે નોકરી કરે છે. અંજારમાં તેના માતા-પિતા અને પત્ની જ્યોતિ ૭ અને ૪ વર્ષની બે દીકરી તથા દોઢ વર્ષના પુત્ર સાથે રહે છે.

આશિષ વિકેશના મામાનો પુત્ર છે અને ઘરની બાજુમાં ભાડાના મકાનમાં રહેતો હતો. બનાવ અંગે માતાએ વહેલી સવારે જાણ કરતાં વિકેશ તે જ રાત્રે ફ્લાઈટ પકડીને બીજા દિવસે અંજાર આવ્યો હતો. તપાસ કરતાં જાણવા મળ્યું હતું કે જ્યોતિ ઘરમાંથી દોઢ લાખ રોકડાં રૂપિયા ઉપરાંત પતિએ લઈ આપેલાં ઘરેણાં તથા સાસુના ઘરેણાં મળી ૮.૨૧ લાખની માલમતા પણ સાફ કરતી ગઈ છે. અંજાર પોલીસે બેઉ સામે ઘરફોડ ચોરીનો ગુનો નોંધી તપાસ હાથ ધરી છે. પીઆઈ શૈલેન્દ્રસિંહ સિસોદીયાએ જણાવ્યું કે બંનેના મોબાઈલ બંધ છે. બેઉને પકડી પાડવા સઘન તપાસ કરી રહ્યાં છીએ.