લોખંડની બેડીઓમાં ઝડકાયેલાં બેઉ આરોપીઓને પોલીસ પગપાળા બજારમાંથી લઈને જતી હતી ત્યારે રાહદારીઓ અને વેપારીઓ તેમનું જાહેર સરઘસ જોવા થંભી ગયા હતા.

તુષાંતે અન્ય સાગરીતો સાથે મળીને ૧૬ જૂલાઈની બપોરે સમકિતનિધિ આંગડિયા પેઢીના સંચાલક કેતન કાંકરેચાનું ચાર જણે બંદૂકના નાળચે કારમાં અપહરણ કરેલું. જો કે, પોલીસે ઠેર ઠેર વૉચ ગોઠવતાં અપહરણકારોને ભચાઉના જંગી ગામે અપહૃત વેપારી અને કારને પડતાં મૂકીને પગપાળા ભાગવાનો વારો આવ્યો હતો. ગાંધીધામ એ ડિવિઝન પીઆઈ એમ.ડી. ચૌધરીના માર્ગદર્શનમાં હાલ ગુનાને લગતાં સજ્જડ પુરાવા એકઠાં કરવાની કામગીરી ચાલી રહી છે.