બાતમીના આધારે પોલીસે વરસામેડી વિસ્તારમાં શંકાસ્પદ હાલતમાં બાઈક સાથે ઊભેલાં બંને લૂંટારુને ઝડપી પાડી તેમના કબજામાંથી લૂંટેલા ૮ મોબાઈલ ફોન, એક છરી તથા મોટર સાયકલ જપ્ત કર્યાં છે. ઝડપાયેલાં આરોપીઓમાં એક કિશોર વયનો છે જ્યારે બીજો આધોઈનો નવીન ઊર્ફે કાનો સુરેશભાઈ કોલી નામનો યુવક છે. પોલીસે પૂછપરછ કરતાં બેઉ જણે થોડાંક દિવસો અગાઉ છરીની અણીએ જીઆઈડીસી, રેલવે સ્ટેશન, સતાપર ફાટક, વેલસ્પન કંપની નજીક નર્મદા કેનાલ પાસે પગપાળા જતા રાહદારીઓ પાસેથી છરીની અણીએ મોબાઈલ ફોન લૂંટ્યા હોવાની કબૂલાત કરી છે. ફરિયાદો નોંધાયા બાદ પીઆઈ એ.આર. ગોહિલ અને પીએસઆઈ જે.એસ. ચુડાસમા સહિતના સ્ટાફે બેઉને દબોચી લીધાં છે.