દિવાળી અને નવ વર્ષના સપરમા દિવસોમાં થયેલી આ ઘટનાએ અંજાર પોલીસની તહેવારોની ઉજવણીનો ઉલ્લાસ છીનવી લીધો હતો.

પખવાડિયા લાંબી ગહન તપાસના અંતે આજે જ્યારે આરોપીઓ ઝડપાઈ ગયાં ત્યારે પોલીસના ચહેરાં ખીલી ઉઠ્યાં હતાં.

પોલીસ કર્મચારીઓ આમ તો કઠણ કાળજાના હોય છે પરંતુ આ કેસની તપાસમાં ઘનિષ્ઠ રીતે સંકળાયેલાં ઘણાં પોલીસ કર્મચારીઓ ખૂબ ભાવુક બની ગયાં હતાં. ઘણાં પોલીસ કર્મચારીઓએ હત્યાનો ભેદ ઉકેલાય તે માટે પોતાના ઈષ્ટદેવની માનતાઓ રાખી હતી. આજે સફળ ડિટેક્શન બાદ અંજાર પોલીસ સ્ટેશનમાં ઉલ્લાસ છવાઈ ગયો હતો. પોલીસ મથકના સૌ કર્મચારીઓએ આજે પોલીસ મથકના પ્રાંગણમાં ફટાકડાં ફોડીને દિવાળીની હોંશભેર ઉજવણી કરી છે. દસથી બાર પોલીસ કર્મચારીઓ કબરાઉ ખાતે મોગલધામે માનતા પૂરી કરવા ઉપડી ગયાં છે.

સફળ ડિટેક્શનમાં અંજારના પીઆઈ શૈલેન્દ્રસિંહ સિસોદીયા અને પીએસઆઈ ડી.જી. પટેલ સાથે એએસઆઈ કીર્તિભાઈ ગેડિયા, સિધ્ધરાજસિંહ ઝાલા, હેડ કોન્સ્ટેબલ મુકેશ પાતારીયા, કોન્સ્ટેબલ ધર્મેશ પટેલ, અજય આહીર, યુવરાજસિંહ ઝાલા, બિપીન ઝીલરીયા, ગુલાબસિંહ જાડેજા, અજયપાલસિંહ સોઢા, નરેન્દ્રસિંહ ઝાલા, રાઈટર અશોક ચૌધરી, મોહનભાઈ દેસાઈ, હરદીપસિંહ જાડેજા તથા એલસીબીના સંજયસિંહ રાણા, અંકિત ચૌધરી, ગાંધીધામ એ ડિવિઝનના દિગુભા ગોહિલ, નરસિંહ પઢિયાર, આદિપુર પોલીસ મથકના હરદેવસિંહ ચુડાસમા વગેરે સ્ટાફ જોડાયો હતો.