રાજ્ય સરકારની ઔદ્યોગિક વિકાસલક્ષી નીતિઓ, બે મુખ્ય બંદરોનો વ્યૂહાત્મક લાભ, વિશાળ જમીનની ઉપલબ્ધતા અને લગભગ ૨૦ હજાર મેગાવોટના થર્મલ અને રિન્યુએબલ પાવર જનરેશન ક્ષમતાને કારણે કચ્છમાં ઔદ્યોગિક વિકાસ ઝડપથી થઇ રહ્યો છે.

તત્કાલીન મુખ્યમંત્રી અને હાલના વડા પ્રધાન નરેન્દ્રભાઈએ શરૂ કરેલ વાયબ્રન્ટ ગુજરાત સમિટ અને ત્યારબાદ મુખ્યમંત્રી ભૂપેન્દ્રભાઈ પટેલની રોકાણકારો સાથે સતત જોડાણની પહેલથી આ વિસ્તારમાં સતત મોટા રોકાણો આવી રહ્યાં છે. જો કે, પૂર્વ કચ્છ ખાસ કરીને અંજાર વિસ્તારમાં હાલના અને આગામી ઔદ્યોગિક એકમોને નવા HT/EHT કનેક્શન મેળવવામાં મુશ્કેલીઓનો સામનો કરવો પડી રહ્યો છે.

ફોકિઆએ મંત્રીને આ મુદ્દે હસ્તક્ષેપ કરવા અને ટ્રાન્સમિશન નેટવર્કના અપગ્રેડેશન તેમજ ક્ષમતા વધારવાની યોજના બનાવવા વિનંતી કરી છે. આ સમસ્યાને કારણે માત્ર વિસ્તારના જ વિકાસ નહીં, પરંતુ PGVCL, GETCO અને એકંદરે અર્થતંત્રની આવકની સંભાવના પર પણ અસર પડી શકે છે.

પ્રતિનિધિ મંડળે પુનઃપ્રાપ્ય ઊર્જાના ડેવલોપર્સ દ્વારા લીઝ પર લેવાયેલી ખાનગી જમીન ઉપરાંત પ્રોજેક્ટની વચ્ચે આવતી સરકારી જમીન, કુલ જમીનના ૨૦% જેટલી લીઝ પર આપવા માટે રજૂઆત કરી હતી. વધુમાં, નવા ઔદ્યોગિક એકમો અને વિસ્તરણ કરતાં ઔદ્યોગિક એકમોને ઈલેક્ટ્રિસિટી ડ્યુટી માફી વખતે PGVCL દ્વારા કરવામાં આવતી ગણતરીની પદ્ધતિ ખામીયુક્ત હોવાનું જણાવ્યું હતું. પ્રતિનિધિ મંડળે ઉદ્યોગોને જાહેર કરાયેલા સવારે ૧૧ થી બપોરે ૩ વાગ્યા સુધીના ઓફ-પીક સમય દરમ્યાન પ્રતિ યુનિટ ૬૦ પૈસા ડિસ્કાઉન્ટનો લાભ એપ્રિલથી જૂન મહિના ના બિલીંગ દરમ્યાન અપાયેલ ન હોઈ, હવે તે એપ્રિલ મહિનાથી અમલમાં આવે તે રીતે હવેના બીલોમાં લાભ આપવા રજૂઆત કરી હતી.

ઉચ્ચસ્તરીય બેઠકમાં GETCOના MD પાંડે ઉપરાંત PGVCL રાજકોટના MD કેતન પી. જોશી, ભક્તિબેન (EPD), મુખ્ય ઇજનેર (GETCO–R&C), વસાવા અને અન્ય ઉચ્ચ અધિકારીઓ ઉપસ્થિત રહ્યા હતા. પ્રતિનિધિ મંડળમાં શાલિન અગ્રવાલ અને યુવરાજસિંહ જાડેજા, રત્નમણી મેટલ્સના વિરેન્દ્ર યાદવ,  આશાપુરાના રાજુલ શાહ અને ભાટીયા હાજર રહ્યા હતા.

નહીં કે અરજદારની. PGVCLએ પણ આ મુદ્દે ગેટકોને ચિંતા વ્યક્ત કરી છે. ૬૬ KVના જે સબસ્ટેશનોમાં ફિઝિબિલિટી નકારવામાં આવી છે તેમાં આ સબસ્ટેશનોનો સમાવેશ થાય છે. કિડાણા, રામપર (તુણા),     ભીમાસર, ખોખરા, રાતા તળાવ, વરસાણા, પડાણા, મીઠીરોહર, મથડા, ખેડોઈ.