અથવા છોકરી મુસ્લિમ હોય અને છોકરો હિંદુ હોય. હકીકતમાં આ બધું એક દિવસમાં નથી બનતું. પોતાના સંતાનોનું ધ્યાન રાખવું તે મા બાપની પણ જવાબદારી છે. રાયમાએ જણાવ્યું કે દીકરી પ્રેમી જોડે નાસી જઈને લગ્ન કરે અથવા ધર્મ પરિવર્તન કરે ત્યારે સમજદારીથી કામ લેવાય તો દીકરીની પણ ઈજ્જત રહે.

ગુનેગાર ગમે તે જ્ઞાતિનો હોય, તેને સજા થાય અને આવા બનાવ ન બને તે માટે બંને સમાજના સામાજિક રાજકીય આગેવાનો સાથે બેઉ સમાજના ધર્મગુરુઓ પણ સમાજમાં પોતાની વાત રાખી લોકોને સમજાવે તો જ આવા બનાવ અટકાવી શકાય.

તેમણે મુસ્લિમ સમાજના યુવાનોને અપીલ કરી છે કે એવી કોઈ હરકત ન કરવી જોઈએ, જેથી તમારી એક ભૂલ સામેવાળી દીકરીનું જીવન બરબાદ કરી નાખે અને સમાજને પણ નીચે જોવાનો વારો આવે. આવા બનાવમાં સંડોવાયેલા યુવકો ગમે તે સમાજના હોય પોલીસ કડક કાર્યવાહી કરે તેવી માગ રાયમાએ કરી છે.