આદિપુરમાં રહેતો ૬૧ વર્ષનો ભીમજી વાલજી વાણિયા (સોરઠીયા) તેના ફાર્મ હાઉસમાં બહારથી ખેલીઓ બોલાવીને, પાંચ હજાર રૂપિયાની નાલ ઉઘરાવીને ધાણી પાસાની જુગાર ક્લબ ચલાવતો હોવાની પોલીસને  બાતમી મળેલી.

અંજાર પોલીસનો કાફલો વૉરન્ટ સાથે મધરાતે બે વાગ્યે ફાર્મ હાઉસમાં ત્રાટક્યો હતો. વાડીમાં સ્વિમિંગ પુલ નજીક ગોળ કુંડાળું વાળીને બેઠેલાં ૧૧ જણ ધાણી પાસાનો દાવ ખેલવામાં વ્યસ્ત હતા. પોલીસે વાડીમાલિક કોણ છે તેમ પૂછતાં ખુરશી પર બેઠેલાં ભીમજીએ હાથ ઊંચો કરીને પોતે વાડીમાલિક હોવાનું જણાવેલું.

ભીમજીની અંગઝડતીમાંથી પચાસ હજારનો આઈફોન અને ૧૫ લાખની ક્રેટા કારની ચાવી મળી હતી.

♦પોલીસે તમામ ખેલીઓની વારાફરતી અંગઝડતી લેતાં ભાવિન રમણિકભાઈ વાણિયા (ઉ.વ. ૪૦, રહે. વીડી ગામ, અંજાર) પાસેથી ૨૧૦૦ રોકડાં રૂપિયા, ૫૦ હજારના મૂલ્યનો આઈ ફોન અને ૧૦ લાખની કિંમતની ટોયોટા કારની ચાવી મળી આવી હતી. ભાવિન દારૂ પીધેલો હતો અને તેના કબજામાંથી વ્હિસ્કીની અડધી ભરેલી બાટલી મળી આવી હતી.

♦રજાક મામદ જુણેજા (ઉ.વ. ૪૮, રહે. તૈયબા ટાઉનશીપ, ભુજ)ની અંગઝડતીમાંથી ૫ લાખ ૨૬ હજાર ૯૦૦ રોકડાં રૂપિયા, ૨ લાખના મૂલ્યના બે આઈફોન અને ૧૫ લાખની કિઆ સેલ્ટોસ કાર મળી આવી હતી.

♦અલીશા કાસમશા શેખ (ઉ.વ. ૩૧, રહે. શેખ ટીંબો, અંજાર) પાસેથી ૨ લાખ ૩૫ હજાર ૫૦૦ રોકડાં રૂપિયા, ૭૫ હજારનો આઈ ફોન અને ૨૦ હજારનો સેમસંગ ફોન મળી આવ્યા હતા.

♦આમદશા હનીફશા શેખ (ઉ.વ. ૩૧, રહે. શેખ ટીંબો, અંજાર) પાસેથી ૧ લાખ ૨૮ હજાર ૪૦૦ રોકડાં, ૧ લાખના મૂલ્યનો એપલ ફોન અને ૧.૫૦ લાખનો સેમસંગ ફોન મળી આવ્યા હતા.

♦મજીદ હનીફશા શેખ (ઉ.વ. ૨૪, શેખ ટીંબો, અંજાર) પાસેથી ૪૯૦ રોકડાં અને ૧૫ હજારનો વન પ્લસ મોબાઈલ ફોન જપ્ત કરાયો હતો.

♦મયુદ્દીન સુમારશા શેખ (ઉ.વ. ૨૪, શેખ ટીંબો, અંજાર) પાસેથી ૫૦ હજાર ૧૭૦ રોકડાં અને ૧૫ હજારનો વિવો ફોન કબજે કરાયો હતો.

♦સોયબ ઉમરશા શેખ (ઉ.વ. ૨૧, રહે. શેખ ટીંબો) પાસેથી ૧.૨૦ લાખની રોકડ અને ૧૫ હજારનો રિયલ મી ફોન કબજે કરાયો હતો.

♦હિતેશ પ્રેમજી સોરઠીયા (ઉ.વ. ૩૯, રહે. વિજયનગર, અંજાર) પાસેથી ૧ લાખ ૩૬ હજાર ૮૦૦ રોકડાં અને ૩૦ હજારનો સેમસંગ ફોન મળી આવ્યો હતો

♦જુસબશા જમનશા શેખ (ઉ.વ. ૩૬, રહે. હેમલાઈ ફળિયું, અંજાર) પાસેથી ૫૫ બજાર ૫૫૦ રોકડાં, ૧૫ હજારનો ઓપ્પો કંપનીનો ફોન અને ૧૦ લાખની ઈનોવા કાર કબજે કરાઈ હતી

♦ઓસમાણશા ઈબ્રાહિમશા શેખ (ઉ.વ. ૪૩, રહે. મદિનાનગર, અંજાર)ના કબજામાંથી ૫૦ હજાર રોકડાં અને ૧૫ હજારનો સેમસંગ ફોન કબજે કરાયો હતો.

પટમાંથી પોલીસે નવ ગ્લાસ, ધાણી પાસાની ૮ નંગ જોડી, એક પ્લાસ્ટિક પાઈપ અને દારૂની અડધી બાટલી કબજે કરી તમામ વિરુધ્ધ જુગાર અટકાયતી અધિનિયમની કલમ ચાર અને પાંચ હેઠળ ગુનો નોંધ્યો હતો.પીધેલાં પકડાયેલા ભાવિન વાણિયા વિરુધ્ધ દારુબંધી તળે અલાયદો ગુનો પણ નોંધાયો છે. પીઆઈ એચ.એ. જાડેજા અને પીએસઆઈ એસ.જી. વાળાના નેતૃત્વમાં પોલીસ ટીમે સફળ દરોડો પાડ્યો હતો.