મરણ જનાર નરસિંહ રાણશીભાઈ ઠાકોર (ઉ.વ. ૪૫, રહે. ગુલાબ મિલ પાસે, જીઆઈડીસી, અંજાર) અને રમેશનાથ શંકરનાથ નાથબાવા (ઉ.વ. ૪૫, રહે. ગોકુલધામ, સતાપર રોડ, અંજાર) બેઉ મિત્રો હતાં. પરોઢે તેઓ આશાપુરા ટી સ્ટોલ પર ચા પીવા ગયેલાં. તે સમયે તેમણે જોયેલું કે રોડની સાઈડમાં પાર્ક એક ટ્રકમાંથી ત્રણ જણાં બેટરીની ચોરી કરવાનો પ્રયાસ કરી રહ્યાં છે. બેઉ મિત્રોએ ત્યાં જઈને ત્રિપુટીને બેટરીની ચોરી ના કરવા ઠપકો આપતાં ત્રણે જણ તેમના પર ધોકાથી તૂટી પડેલાં.

ઘટના અંગે રમેશનાથે જણાવેલી વિગતોના આધારે નરસિંહભાઈના પુત્ર નરેન્દ્રએ અંજાર પોલીસ મથકે હિરજી ભીમજી દેવરિયા (મહેશ્વરી) (ઉ.વ. ૨૮, રહે. મતિયાનગર, અંજાર), અલ્ફાઝ દાઉદ માંજોઠી (ઉ.વ. ૨૨, રહે. શિવનગર, ગુલાબ મિલ પાસે, અંજાર) અને નિખિલ મહેશ્વરી સામે મર્ડરની કલમો તળે ફરિયાદ નોંધાવી હતી. ડબલ મર્ડરની આ ઘટનાએ તે સમયે કચ્છમાં ભારે ચકચાર સર્જી હતી.

આ ગુનામાં આજે અંજારના ચોથા અધિક સેશન્સ જજ જે.એલ. ચોવટિયાએ હિરજી દેવરિયા અને અલ્ફાઝ માંજોઠીને આજીવન કારાવાસ સાથે પચાસ પચાસ હજારનો દંડ ફટકાર્યો છે. ત્રીજા આરોપી નિખિલ મહેશ્વરી વિરુધ્ધ સબળ પુરાવા ના હોઈ કૉર્ટે તેને નિર્દોષ છોડી મૂક્યો છે. આરોપીઓ પાસેથી દંડની રકમ વસૂલ થયે પચાસ ટકા રકમ ભોગ બનનારના વારસદારોને ચૂકવી આપવા જણાવાયું છે. આ કેસમાં અંજારના મદદનીશ સરકારી વકીલ આશિષ પી. પંડ્યાએ હાજર રહીને સાક્ષીઓ તપાસી દલીલો કરી હતી.