સારાં વરસાદના લીધે ગૌચરમાં ઘાસચારો ઊગી નીકળતાં ગ્રામજનોએ ચોમાસા પૂરતી કામગીરી બંધ રાખવા અગાઉ કોંગ્રેસના નેજા તળે રજૂઆત કરેલી.

કચ્છ જિલ્લા કોંગ્રેસ પ્રમુખ વી. કે. હુંબલે જણાવ્યું કે પોલીસના બળે આવી બળજબરી જરાય સાંખી શકાય નહીં. ઘાસચારો ઉગી નીકળે તેમ છતાં કામ શરૂ કરીને પશુધનને પણ નુકસાન કરવામાં આવી રહ્યું છે.

હુંબલે ગ્રામજનો વતી પોલીસ બંદોબસ્તનો ઓર્ડર પરત ખેંચવા અને આ કામગીરી તત્કાળ અસરથી બંધ કરાવવા કલેક્ટરને અનુરોધ કર્યો છે. તેમણે જણાવ્યું કે ગામના લોકોમાં ખૂબ જ આક્રોશ છે અને માહોલ બગડે તેમ છે. ગામલોકોથી વાતચીત કરી સંકલન કરી, યોગ્ય વળતર આપી નિયમો મુજબ કામ કરાય તે જરૂરી છે.

ઉલ્લેખનીય છે કે આ કંપની ભૂતકાળમાં પણ અન્ય ગંભીર વિવાદોમાં આવી ચૂકેલી છે.