અંજારના દેવનગરમાં રહેતા અને બિલ્ડીંગ મટિરિયલનો વેપાર કરતા લખધીરસિંહ ચુડાસમા સોમવારે ચેક જમા કરાવવા માટે એક્સિસ બેન્કમાં ગયા ત્યારે તેમને ખબર પડેલી કે તેમના ખાતામાંથી રવિવારે જુદાં જુદાં આઠ ટ્રાન્ઝેક્શનથી ૪.૮૯ લાખ રૂપિયા અન્યના અજાણ્યા ખાતાઓમાં ટ્રાન્સફર થઈ ગયાં છે. વેપારીના ભાભી બેન્ક ઑફ બરોડામાં ખાતું ધરાવે છે જેમાં તેમનો મોબાઈલ નંબર રજિસ્ટર્ડ છે.

ફરિયાદીએ પોલીસને જણાવ્યું કે તેમણે કોઈને પેમેન્ટ ટ્રાન્સફર કર્યું નથી. કોઈ ઓનલાઈન શોપિંગ કર્યું નથી. કોઈને નેટ બેન્કિંગનો આઈડી પાસવર્ડ આપેલો નથી કે કોઈ જોડે ઓટીપી શેર કર્યો નથી. ત્યારે સાયબર ચીટરોએ કઈ યુક્તિથી ૬.૫૨ લાખ રુપિયા ઉપાડી લીધાં તે અંગે અંજાર પોલીસે ગહન તપાસ હાથ ધરી છે.