હુમલાના પગલે કોલોનીમાં રાડારોડ મચી ગઈ હતી. જેના પગલે કોલોનીની પાછળની લાઈનમાં રહેતી મૃતક સંજયસિંહની પિતરાઈ બહેન રિન્કીસિંહ બહેગા સ્થળ પર દોડી આવી હતી. પોલીસને તેણે જણાવ્યું કે ઘર બહાર જમીન પર લોહીલુહાણ હાલતમાં સંજય પડ્યો હતો.

સ્થળ પર હાજર લોકોએ ૧૦૮ એમ્બ્યુલન્સ મારફતે સંજયને અંજાર સરકારી હોસ્પિટલમાં ખસેડેલો પરંતુ તબીબોએ તેને સારવાર પૂર્વે મૃત જાહેર કર્યો હતો. ઘટના બાદ અરવિંદ ફરાર થઈ ગયો હતો.

મોડી રાત્રે રિન્કીસિંહે અરવિંદ વિરુધ્ધ હત્યાની કલમો તળે અંજાર પોલીસ મથકે ફરિયાદ નોંધાવતા પીઆઈ એચ.એ. જાડેજાએ તપાસ હાથ ધરી છે. સૂત્રોમાંથી મળતી માહિતી મુજબ હત્યારો અરવિંદ પોલીસની હાથવેંતમાં છે.