આ એ જ વિવાદાસ્પદ જેન્તી છે કે જેણે અગાઉ LCBમાં ફરજ દરમિયાન જેન્તી ભાનુશાલી મર્ડર કેસમાં વપરાયેલું બાઈક જાણે અજાણ્યે શાર્પ શૂટરોને પહોંચાડ્યું હતું. એટલું જ નહીં, અગાઉ માધાપરમાં એક મુસ્લિમ યુવકે રબારી યુવકની કરેલી હત્યા અને તે પ્રકરણે સીઆઈડી ક્રાઈમે કરેલી તપાસમાં પણ જેન્તીની શંકાસ્પદ ભૂમિકા બહાર આવી હતી. આ તો, પ્રકાશમાં આવેલા બનાવો છે.

માધાપરમાં ગંગેશ્વર રોડ પર કથિત રીતે ગેરકાયદે સરકારી જમીન વાળી લઈને તેમાં સ્વિમીંગ પુલ સહિતની સુવિધા ઊભી કરીને મજા માણતાં જેન્તીને કચ્છના બની બેઠેલાં રાજકીય મોટાભાનું પીઠબળ હોવાની ચર્ચા છે. વડા પ્રધાન ભુજની મુલાકાતે આવ્યાં તેના થોડાં દિવસ અગાઉ કોલકતાનો એક યુવક ભુજ એ ડિવિઝન પોલીસ મથકે પહોંચ્યો હતો.

ફરિયાદ દાખલ ના થતાં યુવક એસપીને મળેલો. એસપીએ લોકલ ક્રાઈમ બ્રાન્ચને તપાસ સોંપતા જેન્તીની આ કરામત બહાર આવી હતી. જો કે, એલસીબીએ પણ વિધિવત્ ફરિયાદ નોંધવાના બદલે ચીટરો પર બારોબાર ધોંસ વધારતાં ચીટરો સાડા આઠ લાખ રૂપિયા પાછાં આપી ગયાં હતાં.

પૂરેપૂરાં રૂપિયા મળી જતાં કોલકત્તાના યુવકને હાશકારો થયો હતો. આઘાતજનક બાબત એ છે કે પોલીસે ગુનો કરનારાં ચીટરો સામે કોઈ ફરિયાદ જ દાખલ ના કરી! .

ખરેખર તો બર્કિંગ (ફરજચૂક) અથવા લાંચરૂશ્વતના સંભવિત ગુના બદલ વિવાદાસ્પદ ભૂતકાળ ધરાવતા જેન્તીને સસ્પેન્ડ કરવાનો હોય તેના બદલે SPએ તેની નરામાં બદલી કરીને સંતોષ માની લીધો! પોલીસે ગુનો દાખલ ના કરવાનો પ્રશ્ન ભવિષ્યમાં ઊભો ના થાય તે હેતુથી કોલકતાની પાર્ટી જોડે મારે કોઈ ફરિયાદ કરવી નથી તે મતલબની અરજી લખાવી લીધી છે!