પતિ પત્નીના કંકાસમાં બે માસૂમ સંતાનો નોંધારા થઈ ગયાં છે. મરનાર નબુબેન પતિ જેન્તી મીઠુભાઈ કોલી (પગી) (મૂળ રહે. વિથોણ, નખત્રાણા) સાથે ધાવડાની સીમમાં રતિલાલ હંસરાજ પદમાણીની દાડમની વાડીએ રહીને છૂટક ખેતમજૂરી કરતી હતી. ગઈકાલે આખો દિવસ દંપતી વચ્ચે નાની નાની બાબતે તણખાં ઝર્યાં હતા. જેથી નબુ પતિ પર નારાજ હતી.

આજે સવારે નબુની લાશ વાડીમાં આવવા જવાના રસ્તા પર પડી હતી.

ઘટના અંગે નબુના ભાઈ દેવજી તમાચી કોલી (પગી)એ બનેવી જેન્તી વિરુધ્ધ નખત્રાણા પોલીસ મથકે ફરિયાદ નોંધાવી હતી. હત્યા અંગે જાણ થતાં પીઆઈ એ.એમ. પટેલ અને તેમની ટીમે  સ્થળ પર દોડી જઈને લાશને પીએમ માટે મોકલી વિધિવત્ ગુનો નોંધીને આરોપી પતિની ધરપકડ કરી લીધી છે.