વ્યાસપીઠ પરથી તેમણે કહ્યું હતું કે, ‘દલાલો તમે મુંબઈ જઈ દલાલી કરજો..તલગાજરડામાં તમે ઉઘાડા પડી જશો અને એ મને નહીં ગમે’ આમ કહીને બાપુએ મોઘમમાં જ એ દલાલોને કડક સંદેશ આપી દીધો હતો! તેમણે જણાવ્યું કે, ‘કચ્છમાં ચાર-પાંચ વરસે કથા યોજાતી હોઈ અમુક લોકો આવી ભ્રમણાઓ ફેલાવે છે. બાકી પોતે આયોજક સાથે જ કથાના આયોજન અંગે સીધી વાત કરે છે, કોઈ વચેટિયા કે પીએ રાખ્યા જ નથી અને એક પૈસો લીધા વગર કથા કરે છે. પોતે કથાસ્થળે આવવા-જવાનું ભાડું પણ નથી લેતાં’ કથામાં ચોખવટ કરતા બાપુએ ઉમેર્યું હતું કે ‘હું તમારું પાણી’ય પીતો નથી ને જે પૃથ્વી પર રહું છું એ પણ મારી જ છે. અહિંસાધામ એ તમારી જગ્યા છે? દસ્તાવેજ તમારે નામ છે, છે તો મારી જ.’