આ પ્રસંગે ભુજમાં હિંદુ યુવા સંગઠન સહિતની ભગિની સંસ્થાઓના નેજા તળે વિશાળ બાઈક રેલી યોજવામાં આવી હતી. જે આખા શહેરમાં ઘુમી વળતાં ઠેર ઠેર કેસરીયો રંગ અને જય જયશ્રી રામનો નાદ છવાઈ ગયો હતો. અંદાજે એક હજાર જેટલાં બાઈકસવારો રેલીમાં જોડાયાં હતા. રેલી સંપન્ન થયા બાદ રામધૂન ખાતે મહાપ્રસાદનું આયોજન કરાયું હતું. રેલીમાં વિશ્વ હિંદુ પરિષદ કચ્છના અધ્યક્ષ રઘુવીરસિંહ જાડેજા, હિંદુ યુવા સંગઠન ભુજના અધ્યક્ષ પ્રકાશ ગોર, ઉપાધ્યક્ષ હાર્દિક જોશી, વીએચપી ભુજના પ્રમુખ જયપાલસિંહ જાડેજા, ઉપાધ્યક્ષ નીલ રબારી, બજરંગ દળ ભુજના અધ્યક્ષ મીત ગોર અને માંડવીના અધ્યક્ષ વિરમ રબારી, હિંદુ યુવા સંગઠન અંજારના અધ્યક્ષ હરિ આહીર અને સામખિયાળીના અધ્યક્ષ જયદિપ દવે, વીએચપી અંજારના રાણાભાઈ આહીર તેમજ ભીલ સમાજના અધ્યક્ષ રાજુભાઈ ભીલ સહિતના હોદ્દેદારો-કાર્યકરો જોડાયાં હતા અને સમગ્ર ઉજવણીને સફળ બનાવવા જહેમત ઉઠાવી હતી.