'જય જય શ્રીરામ'ના નારા સાથે ભુજના રામધૂન પાસેથી બાઈક રેલી નીકળશે અને સમગ્ર શહેરમાં ઘુમી વળશે. કાર્યક્રમને સફળ બનાવવા માટે સંગઠનના કાર્યકરો વિવિધ મંડળો, સામાજિક સંસ્થાઓ અને સમાજના આગેવાનો સાથે બેઠક યોજી રહ્યાં છે. બાઈક રેલી સંપન્ન થયા બાદ રામધૂન પાસે સમૂહ પ્રસાદનું સૌને ઇજન અપાયું છે. હિન્દુ યુવા સંગઠન, ભુજના અધ્યક્ષ પ્રકાશભાઈ રાજગોર, ઉપાધ્યક્ષ હાર્દિકભાઈ જોશી, જયદીપ ગોસ્વામી, અમિતભાઇ રાજગોર, વિશ્વ હિન્દુ પરિષદ, ભુજના અધ્યક્ષ જયપાલસિંહ જાડેજા, ઉપાધ્યક્ષ નીલ રબારી, કપિલ કેશવાની અને અન્ય હોદ્દેદારો-કાર્યકરો રામનવમીની ઉજવણીને ભવ્યાતિભવ્ય બનાવવા જહેમત ઉઠાવી રહ્યાં છે. માહિતી માર્ગદર્શન માટે ખાસ હેલ્પલાઈન શરૂ કરાઈ છે. હેલ્પલાઈન નંબર 9925810670 પર પ્રકાશભાઈ રાજગોર સાથે વાત કરી માહિતી મેળવી શકાશે.