રમેશે આસપાસની બે એકર પડતર જમીન પર ગેરકાયદે કબજો કરેલો તે જમીન પણ ખૂલ્લી કરાઈ છે. રમેશ એક રીઢો આરોપી છે. ૨૦૧૬થી ૨૦૨૩ના સમયગાળા દરમિયાન તેના પર ખનિજ ચોરી, વાહન ચોરી, સરકારી કર્મચારીની ફરજમાં રૂકાવટ, દારૂબંધી, હુમલા, હત્યાના પ્રયાસ, હત્યા, ગેરકાયદે મંડળી બનાવી હુમલા કરવા સહિતના ૨૨ ગુના રાપર, બાલાસર અને સામખિયાળી પોલીસ મથકે દર્જ થયેલાં છે.

રાપરના પ્રાગપર રોડ પર પાબુધાર વિસ્તારમાં સરકારી પડતર જમીનમાં ૨૫ બાય ૨૦ મીટરમાં ઑફિસ ચણી વરંડો વાળી લેનારા મહેશ ઊર્ફે  મેસુ કરસન ભૂત (રહે. ગેલીવાડી, રાપર), અશ્વિન કરસન ભૂત, કિશોર ઊર્ફે કિશુ કરસન ભૂત અને કરસન જગા ભૂતના દબાણ પર બુલડોઝર ફેરવી દેવાયું છે. મહેશ સામે ૨૦૧૪થી ૨૦૨૫ દરમિયાન આર્મ્સ એક્ટ, એટ્રોસીટી, હત્યા, હુમલા સહિત ૧૬ ગુના નોંધાયેલાં છે. અન્ય લોકો સામે પણ હુમલા, એટ્રોસીટી સહિતના ગંભીર ગુના નોંધાયેલાં છે.