મંદિરની સેવા પૂજા કરતાં ૭૮ વર્ષિય ભજુભાઈ રબારી પોલીસને જણાવ્યું કે ગત સાંજે સાડા છ વાગ્યે આરતી કરી ત્યારે માતાજીને પહેરાવાયેલાં તમામ આભૂષણો જોવા મળ્યાં હતાં. સૂર્યાસ્ત બાદ તેઓ વાળું કરવા ઘરે ગયેલાં અને પરત રાત્રે નવ વાગ્યે મંદિરે આવીને સૂઈ ગયેલાં.

તસ્કરો મંદિરમાંથી માતાજીને પહેરાવેલો અઢી લાખની કિંમતનો સોનાનો હાર અને ઝુમખો, પચાસ હજારની કિંમતની સોનાની ચેઈન અને પેન્ડેન્ટ, પચાસ હજારના મૂલ્યનું સોનાનું પગલું, સોના અને ચાંદીના છત્તર વગેરે મળી છ લાખ રૂપિયાના મૂલ્યના આભૂષણો શણગાર વગેરે ચોરી ગયાં હતાં. સીસીટીવી કેમેરા ચેક કરવા પ્રયાસ કરતાં તસ્કરો ડીવીઆર પણ ચોરી ગયાં હોવાનું સ્પષ્ટ થયું હતું. બનાવ અંગે  આડેસર પોલીસે તપાસ હાથ ધરી છે.