ફરિયાદી ટ્રાન્સપોર્ટના વ્યવસાય સાથે પડાણામાં યુરિયા ઉત્પાદનનો પ્લાન્ટ ધરાવે છે.

હૈદ્રાબાદના પૉશ એરિયા બનજારા હિલ્સમાં રહેતો રામરતન ગ્લૉબલ ઈમ્પોર્ટ એન્ડ એક્સપોર્ટ નામની પેઢી મારફતે આયાત નિકાસનો બિઝનેસ કરતો હોઈ પરિચય વધુ પ્રગાઢ થયો હતો. ફરિયાદીને પોતાની યુરિયા ફેક્ટરી માટે વિદેશથી ૨૩ ડીઈએફ મશિન (યુરિયા પ્રોડક્શન મશિન) મગાવવાના હતા. રામરતને આ મશિન આયાત કરી ફરિયાદીને ડિલિવરી આપવાનું જણાવેલું.

રૂપિયા મળ્યા બાદ રામરતને હાલ મશિન મળી શકે તેમ નથી કહીને રૂપિયા પરત આપી દેવાનું વચન આપેલું. ૧૮-૦૩-૨૦૨૪થી ૧૯-૦૫-૨૦૨૫ના લગભગ દસ મહિનાના સમયગાળામાં રામરતને ટૂકડે ટૂકડે ૪ કરોડ ૫૬ લાખ ૯૫ હજાર રૂપિયા જમા કરાવેલાં.

પરંતુ, આજ દિન સુધી તેણે ના મશિન આપ્યા છે, ના બાકી નીકળતા રૂપિયા.

ફરિયાદીનો ભાઈ જતિન અગ્રવાલ મીઠાના વ્યવસાય સાથે સંકળાયેલો છે. બે મહિના અગાઉ એપ્રિલમાં જતિને રામરતન જોડે વેપાર માટેનો સોદો કરીને ૧૫ કરોડ રૂપિયા આપ્યા હતા. તેની સામે રામરતને ૩૦ ચેક આપેલાં. આ તમામ ચેક બેન્કમાંથી બાઉન્સ થયાં છે.