કીડીયાનગર રેલવે સ્ટેશન ખાતે પોઈન્ટમેન તરીકે નોકરી કરતો ૨૯ વર્ષિય અશોક પરિહાર ગઈકાલે ડ્યુટી પર હતો ત્યારે સાંજે સવા છના અરસામાં પ્લેટફોર્મ નંબર ૧ પર બે યુવકો બાઈક લઈને આવ્યા હતા.

આ બાબતને લઈને થોડીકવાર બાદ બેઉ યુવકો ૧૫થી ૨૦ સાગરીતોને લઈને ફરી રેલવે સ્ટેશન પર આવેલાં. સ્ટેશન માસ્ટરની ઑફિસમાં બબાલ કરી, બારીઓના કાચમાં તોડફોડ કરી હતી. 

હુમલો કર્યાં બાદ આરોપીઓ બે મોટર સાયકલ અને એક બોલેરો કારમાં નાસી ગયાં હતા. હુમલો કરનાર યુવકોમાં બાદલપર ગામનો દિનેશ કાનજી કોલી અને તેના કાકાનો દીકરો, મુકેશ ડી. કોલી અને અન્ય સાગરીતો હોવાનું લખાવાયું છે.

અશોક પરિહારે આરોપીઓ સામે ગેરકાયદે મંડળી બનાવીને સરકારી કર્મચારી પર હુમલો કરી સરકારી સંપત્તિમાં નુકસાન કરવા સહિતની વિવિધ કલમો તળે ગાંધીધામ રેલવે સ્ટેશનમાં ફરિયાદ નોંધાવી છે.