અરવિંદ બાઈક પર ગેડી આવ-જા કરતો હતો. ગઈકાલે અરવિંદ અને અન્ય છ જણાં સવાભાઈના કહેવા મુજબ આખો દિવસ લાકડા કાપીને સાંજે ગેડી ગ્રામ પંચાયત પાસે આવેલી દુકાને નાની મોટી ખરીદી કરવા પહોંચ્યાં હતાં. તે સમયે ગેડીથી સાત-આઠ કિલોમીટર દૂર આવેલી નાગલપર વાંઢમાં રહેતો રમેશ હરિભાઈ કોલી ત્યાં બાઈક લઈને આવ્યો હતો.

દોઢેક કલાક બાદ ગેડીથી બેલા જતા જૂના રસ્તે નદીની બાજુમાં અરવિંદની અડધું ગળું કપાયેલી લાશ મળી આવી હતી. બાજુમાં તેની બાઈક આડી પડેલી હતી. બનાવ અંગે જાણ થતાં મૃતકના પરિવારજનો સ્થળ પર દોડી ગયાં હતા અને પીક અપ ડાલામાં અરવિંદની લાશને સરકારી હોસ્પિટલે લઈ ગયાં હતાં. અરવિંદના મોટા ભાઈ પ્રભુ કોલીએ બનાવ અંગે રમેશ કોલી વિરુધ્ધ હત્યાની કલમો તળે ફરિયાદ નોંધાવી છે.

પીઆઈ જે.બી. બુબડિયાએ તપાસ હાથ ધરી છે.