મરણ જનાર મહિલા રાપરથી થોડે દૂર આવેલા એક મંદિરમાં કામ કરવા જતી હતી ત્યારે નીલપર ગામના પ્રવિણ અરજણ કોલી અને ભરત અરજણ કોલીએ તેનો વાંધાજનક વીડિયો રેકોર્ડ કરી લીધો હતો. બાદમાં બેઉ જણે આ વીડિયો વાયરલ કરવાની ધમકી આપીને મહિલા પાસેથી રૂપિયા માગવાનું શરૂ કરેલું.

આવી ચાર ક્લિપ પૈકી એક ક્લિપમાં આરોપીઓ પહેલાં પચાસ હજાર અને પછી પચીસ હજાર રૂપિયા આપી દેવા માંગણી કરીને ધમકી આપતા સંભળાય છે.

મહિલા આ લોકોની માંગણીને વશ થઈ નહોતી. તેણે રૂપિયા આપવાનો સ્પષ્ટ ઈન્કાર કરી દીધો હતો. એટલું જ નહીં આ અંગે પુત્રને પણ વાત કરીને વ્યથા વ્યક્ત કરેલી. જો કે, બીજા દિવસે વહેલી સવારે તેણે કૂવામાં પડતું મૂકીને આપઘાત કરી લીધો હતો. આડેસર પીઆઈ જે.એમ. વાળાએ પુત્રએ નોંધાવેલી ફરિયાદ દાખલ કરીને બંને આરોપી સામે તપાસ હાથ ધરી છે.