માસિક સર્વાધિક કાર એક્સપોર્ટના વિક્રમ ઉપરાંત એક જ જહાજમાં ૫૭૦૧ કાર હેન્ડલ કરવાનો પણ પોર્ટે નવો રેકોર્ડ સ્થાપ્યો છે. અગાઉ નવેમ્બર ૨૦૨૫માં એકસાથે એક જહાજમાં ૫૬૨૨ કાર એક્સપોર્ટનો વિક્રમ નોંધાયો હતો. સમગ્ર કામગીરી દરમિયાન સુરક્ષા, સલામતી અને કાર્યક્ષમતાના ઉચ્ચતમ ધોરણો જાળવી રાખીને યાર્ડથી જહાજ સુધી કારનું સરળ પરિવહન કરવામાં આવ્યું હતું.

મુંદરા પોર્ટની અદ્વિતિય Ro-Ro સુવિધાઓ દ્વારા ભારતમાં ઉત્પાદિત કારો સાઉથ આફ્રિકા, ઑસ્ટ્રેલિયા, બેલ્જિયમ, ફ્રાન્સ, ઇજિપ્ત, ઇન્ડોનેશિયા, જાપાન, મોરેશિયસ અને ગલ્ફ દેશો સહિત વિવિધ આંતરરાષ્ટ્રીય બજારોમાં પહોંચી રહી છે. કારની વધતી નિકાસે મુંદરાને ભારતના ઑટોમોબાઇલ એક્સપોર્ટ માટેના મુખ્ય હબ તરીકે સ્થાપિત કર્યું છે અને ભારતીય ઑટોમોબાઇલ ઉદ્યોગની વૈશ્વિક સ્પર્ધાત્મકતાને મજબૂત બનાવી છે.

કાર એક્સપોર્ટ ઉપરાંત મુંદરા લિક્વિડ ટર્મિનલે પણ જાન્યુઆરી ૨૦૨૬માં ૧.૧૨૦ મિલિયન મેટ્રિક ટન કાર્ગો હેન્ડલ કરીને નવો રેકોર્ડ અંકિત કર્યો છે. અગાઉ ડિસેમ્બર ૨૦૨૫માં ૧.૦૩૬ MMT કાર્ગો હેન્ડલિંગનો રેકોર્ડ સ્થપાયો હતો. આ સિદ્ધિ પોર્ટની વૈવિધ્યસભર કાર્ગો હેન્ડલિંગ ક્ષમતા અને લોજિસ્ટિક્સ ઈન્ફ્રાસ્ટ્રક્ચરની મજબૂતી દર્શાવે છે.