બનાવ અંગેના વાયરલ વીડિયો ચર્ચાસ્પદ બન્યાં છે. રાપર પ્રાથમિક આરોગ્ય કેન્દ્ર સામે રહેતા હરેશ નામેરી રાઠોડ અને તેના પરિવારના અન્ય સભ્યો સામે ૧૧-૦૮-૨૦૨૩ના રોજ મારમારી અને લૂંટ સહિતની કલમો તળે ફરિયાદ દાખલ થયેલી. ઘર નજીક એક શખ્સ દ્વારા કથિતપણે તેની માલિકીની જમીનમાં ચણાઈ રહેલી દુકાનો મુદ્દે બબાલ થયેલી. જેમાં હરેશ રાઠોડના પરિવારે પણ વળતી મારામારી અને લૂંટની વળતી ફરિયાદ દાખલ કરાવી હતી.

ગત રાત્રે દસ વાગ્યાના અરસામાં રાપરના પીઆઈ જે.બી. બુબડીયા, પીએસઆઈ પી.એલ. ફણેજા, એચ.વી. કાતરીયા, ચાર લેડી પોલીસ કોન્સ્ટેબલ સહિત ૧૪ પોલીસ કર્મચારીઓનો કાફલો હરેશ રાઠોડને પકડવા તેના ઘરે ગયો હતો.

ઉશ્કેરાયેલાં હરેશના પરિવારે પીએસઆઈ ફણેજાની વર્ધીનો કોલર પકડીને ઝપાઝપી કરેલી તો એક મહિલા પોલીસ કોન્સ્ટેબલની છાતી પર હાથ રાખીને ધક્કો મારતાં તે નીચે પડી ગઈ હતી. પોલીસને ડરાવવા માટે ધોકો બતાડાયો હોવાનું ફરિયાદદમાં લખાવાયું છે. સમગ્ર ઘટના અંગે પોલીસ કર્મચારીઓ અને આરોપી પરિવારના સદસ્યોએ તેમના મોબાઈલમાં રેકોર્ડીંગ કર્યું હતું.